استفسار

[هذا حظي]

السلام عليكم ورحمة الله وبركاته

اخواني الاعزاء عندي كاسكو هولندي احسة مو بالحيل على الحب الشمسي يعني ماياكل منه الا حبة او حبتين ويمكن ماياكل

ها الموضوع لاحظته علية يوم عطيته بسكويت الشاي ( لقافة ) احسة صار متولع بالبسكويت

يعني ماياكل الا فول سوداني وبسكويت

مع العلم ان الباركيت اللي عندي ياكل كيك شكولاته والبسكويتات بانواعها و مرة شرب عصير تانج وماشفت عليه اي تغير

سؤالي

هل البسكويت فيه قيمة غذائية اكثر تغنية عن الحب الشمسي ؟

وهل الكاسكو يميز الاكل اللي يضره ؟

لان الصغار عندي ماشاء الله عليهم يعطوه اي شي ياكلونه هم
البارح حصلتهم مئكلينه بطاطس مقلية

<<< بدى مشوار الوسوسة مع الطير

[ٌابوعمر]

اخوي البسكوت مايضره خصوصا لو كان من غير سكر ولا ملح وطبعا مايغنيه عن الحبوب حاول معه اقطع عنه كل الاكل البايخ هاذا وخليه ياكل بس حبوب والفول السوداني كثرته زي مانت عارف ماهي زيينه والشوكلاته ماهي زينه والبطاطس زين بس مقلي ماهو زين وان مررره شفت الطير يبي ياقاتل يا مقتول اعطيه حبه او حبتين ونشفها من الزيت قدر المستطاع والف مبروك على الطير الجديد وترا مايميز لو تعطونه سم بياكل منه ماعنده مشكله

[بلاك بيري]

اضم صوتي لصوت ابو عمر

[هذا حظي]

الله يبارك فيك ابو عمر مشكور على المداخلة العطرة

يعني لازم انتبة للطير من ها الاكل

وبالنسبة زي ما قلت اشووف الطير بينهبل لما يشوف البسكويت ارحمه واعطيه منه ببالي انو متعود عليه عند صاحبة الاول

راعية الاول مسويله خلطه من الفشار والفول السوداني والحب الشمسي وانا حاليا اقدم منها بس اللي لاحظته هو امتناعه تقريبا عن الحب الشمسي

المهم بحاول اقطع عنه واخليه على الحب والفول وبعض الفواكه

والله يستر مع المحاوله الاخيرة مع الكاسكو

اخوي بلاك بيري مرورك يشرفني ورأيك انت وابو عمر يهمو هواة هذا النوع من الطيور طبعاً ولايهو البقيه

كلنا نكمل بعض ان شاء الله والكمال لله

[ٌابوعمر]

اخوي حاول معه ولازم تكون وجبته الاساسيه الحبوب والباقي كلها مكملات كتغير فقط اخوي هاذا حظي كم لك شاري الطير .؟ اذا لك مدة بسيطه انصحك تعطيه علاجات كوقايه افضل اخاف يكون فيه شي وانت مو منتبه او فيه شي لاكن غير ضاهر اتمنى انك تتهنى بطير ويعيش معك اعوام مديده اعطيه باتيرل مره ومره تبلاين ومره عن الدود عشان تقطع الشك بل يقين واذا ماودك اعطيه خلطه الثوم بليمون واذا ماودك اعطيه برتقال لانه في فيتامين سي وهو يقوي المناعه شي احسن من لا شي بتوفيق ان شاء الله

[هذا حظي]

الطير له تقريباً اسبوعين (هذا اللي حصلته بتبوك) طبعاً ناتف ريشة بس حاليا ماينتف والاحظ الريش بدى يطلع


والاكل زي ماقلت لك الحب الشمسي آخر اهتماماته

الليوم حطيت له فول سوداني اكل الفول كلة والحب ما لمسة

وبالنسبة للأدوية اللي قلت عليها سئلت صديدلي عنها وقال انو عندة بس مانصحني فيه وسبق طرحته بموضوع

المشكلة انا من ضواحي تبوك وتبعد تبوك عني اكثر من 200 كيلو و بأقرب فرصة ان شاء الله برجع للصيدليه وباخذ كل اللي قلته

والله يستر

[ٌابوعمر]

ان شاء الله مافيه الا العافيه بس احتياط لازم تكون عندك العلاجات هاذي واعطيه منها مره وحده وقايه زي ماقلت لك