درتين ،، مختلفتين !!

[*نضال*]

بسمه تعالى


السلام عليكم ورحمة الله وبكراته


كيف الحال اخوتي !؟ ،،
ان شائ الله تمام


انا من قبل شهر اشتريت درتين ،،

الاولى سميتها ( متوه )
وهي ما شاء الله ،، من اول يوم قدرت احطها على ايدي ،،
رغم ان عضاتها قوية ،،
بس جلست معها يمكن 12 ساعه لين ما هدات ،،
والحين من اقولها فوق تصعد على ايدي ،،
وعلمتها تسلم علي خلال دقايق ( بالرجل )
وكذلك تعلمت انها تقبلني ،،

صحيح انه يحاول يشرد مني ليمن يحصل الفرصه ،، بس احيانا يجلس دقايق عندي

وهذي صورة العين ( صورت العين حتى لو في امكانية تحددون لي العمر والفصيله - هندي/باسكتاني-)


وهذا فيديو وهي تدخل القفص
http://www.youtube.com/watch?v=IqBQWuxZ_WM
اما الثاني سميته سكر ،،
خير شر ما تعلم مني ،،
اللهم يركب ايدي لو شلته وحطيته عليها ،،
بس للاسف يحاول يشرد مني
وماعرف شلون اتعامل معه

وهذي صورته



وهذا الاثنين مع بعض
( متوه الي ذيله طويل، والثاني سكر )



لو ممكن تفيدوني اشلون اتعامل معهم واخليهم ما يخافوني ويعرفون يصفرون ويتكلمون


تحياتي
نضال

[نوني..]

كلهم فروخ بس سكر اصغر

الاول عمرهـ تقريبآ 6 شهور

والثاني عمرهـ تقريبآ 4 او 5 شهور

واذا عليها حجل عطنآ الرقم المكتوب عليهآ

وكلهآ درهـ هنديهـ

وبالنسبه للدرهـ مااعرف كيف ترويضهآ لانهآ صعبه وخفيفه بسرعه تطير حتى لو قص جنآحهآ هروبهآ

ماشاءالله سريع ..

بالتوفيق

[*نضال*]

السلام عليكم


للاسف ما محجلات ،،
بس اخوي متاكد انهم درات هندية ؟! ،،
لان اكو حد قالي الاولى درة باكستانية ،، بس ما تطمنت من حديثه لان الدرة الباكستانية الي اعرف عنها مو لهالدرجه من الذكار ،،

وصدقت ،، ما شاء الله هروبها جدا سريع ،، بس احب هالنوع لانه حركي وبهلواني ،،
سكر الشي الوحيد الي يعرف يسويه من اشيله على ايدي يقوم ينزل راسه ويظل متعلق على ايدي بالمقلوب! ،،
بس اظن هالحركه متعلمنها من الي رباه قبل ،،

مشكور اخوي

[*نضال*]

ع فكرة بس بغيت اقولكم ان سكر طالع له ريشتين بلون برتقالي على مكان الطوق ،،
مادري هل اعتمد على هالريشتين واقول انه ذكر؟!

[نوني..]

كيف يطلع له طوق وعيونهـ سوداء =) فرخ

لسى بدري وبقوهـ على الطوق

وعفوآ هاذي باكستانيهـ كلهآ تأكدت

لان منقارهآ الاسفل لونوآ اسود واخر منقارهآ العلوي لونوآ اسود

الهنديه كامل المنقار السفلي والعلوي احمر

[*نضال*]

ههه اجل مادري ليش ريشتين برتقاليتين ،،

اها يعني طلعوا الاثنين باكستانيين !؟

[بلاك بيري]

اضم صوتي لصوت نوني

[@$عاشق الدرة$@]

اظن افادك الاخ نوني
وفي فالمنتدى مواضيع كثيرة عن الدرة
متى تبلغ وانواعها وعلامات بلوغها
والتمييز بين الذكر والانثى

اتصفح المواضيع وان شاء اللـه تدخل هاوي تطلع خبير

[Fawazo]

أنا أختلف مع الشباب كلياً

الدرة نوعها...
هـنـديـة

وطبعاً هندية أو باكستانية كلها نفس النوع
ولـكـن...
سميت باكستانية من قٍبَل التجار
وذلك بسبب...
1- مصدر الإستيراد (باكستان)
2- أو أن بعض التجار يريد تصريف بضاعته

وكما تعلمون أن الدرة انتشرت في العديد من الدول
ومنها العربية
لذلك هل نسميها درة سعودية, أو كويتية, أو......إلخ
وبما أن باكستان بجانب الهند...
فسيكون انتشار الدرة في باكستان أسرع من غيرها


الأخت نوني
المنقار لا يدل على النوع...إلا في الإفريقية( منقارها كله أسود)

وأما المنقار الأحمر...
فــيكون في اللون الفاتح
مثل...الأبيض, الأصفر, السماوي....وهكذا ( طبعاً الألوان النقية...وليست المخلوطة بألوان أخرى)

واللون الأخضر لايمكن أن يكون المنقار كله أحمر


أتمنى وصلت المعلومة

[نوني..]

المشاركة الأصلية كتبت بواسطة Fawazo

أنا أختلف مع الشباب كلياً

الدرة نوعها...
هـنـديـة

وطبعاً هندية أو باكستانية كلها نفس النوع
ولـكـن...
سميت باكستانية من قٍبَل التجار
وذلك بسبب...
1- مصدر الإستيراد (باكستان)
2- أو أن بعض التجار يريد تصريف بضاعته

وكما تعلمون أن الدرة انتشرت في العديد من الدول
ومنها العربية
لذلك هل نسميها درة سعودية, أو كويتية, أو......إلخ
وبما أن باكستان بجانب الهند...
فسيكون انتشار الدرة في باكستان أسرع من غيرها


الأخت نوني
المنقار لا يدل على النوع...إلا في الإفريقية( منقارها كله أسود)

وأما المنقار الأحمر...
فــيكون في اللون الفاتح
مثل...الأبيض, الأصفر, السماوي....وهكذا ( طبعاً الألوان النقية...وليست المخلوطة بألوان أخرى)

واللون الأخضر لايمكن أن يكون المنقار كله أحمر


أتمنى وصلت المعلومة

أوك اتقبل وجهـة نظرك واتمنى تراجع معلومآتك وتبحث جيدآ بالنت

واتمنى تفسر لي ليهـ هاذي الدرهـ الخضراء لون منقارهآ احمر كآمل ؟!

واعتذر من العضو احب الحيوانات على استعارهـ صوره الفرخ تبعهـ



وبالتوفيق