اشترك في نشرتنا البريدية ليصلك كل جديد

عهد · 07-03-2007, 02:18 PM

السلام عليكم ....

كيف حالكم يا جماعه ..... بصراحه بغيت تساعدوني ما عليكم امر انا عندي قطوة من نوع ماو مصري و عمرها 3 سنين وتوها والده و بس لما أجي أكلها ما تاكل مع أني اعطيها أكل القطط الخاص اللي نفس (ويسكس) و بعد أعطيها تونه بس ما تاكل و عيالها قام يطلع من منطقة الاخراج شي اصفر أخاف انو يكونوا مرضه ولا فيهم شي و لا هاذي شي طبيعي بعد والولادة بصراحة ما عرفت شاسوي فياريت تساعدوني و شكراً ......

عهد · 08-03-2007, 02:21 PM

اافااا ياجماعه عسى ما شر ما كو ردود الله يهداكم ما اللاقي حل للمشكلة

~~اميرالظلام~~ · 08-03-2007, 05:13 PM

ولله انا ماعندي الخبره
بس ياليت يردون اعضا المنتدا والله يشفيهم لك

عهد · 08-03-2007, 06:01 PM

مشكور و الله يسمع منك

صاحبة وفا · 08-03-2007, 08:08 PM

أختي لاتحاتي .. الصغير لازم يتغير لون برازه ولو هم مرضى راح يموتون على طول لأنهم صغار وماعندهم مناعة وماينفع معاهم اي علاج لان عمرهم كم يوم !! اذا الله كتب لهم عمر راح يعيشون بس أنتي اللي عليج تسوينه تحطينهم فمكان دافي ولاتلمسينهم بأيدج والقطوة جربي تحطين لها أكل البيت مثل دياي مقلي وله مسلوق أو سمج أو لحم رح تاكل ان شالله لان في بعض القطط
مايحبون ياكلون نفس الاكل على طول .. وحطي لها فالماي فيتامينات .. واذا في شي ماعرفتيه قوليلنا والسموحه على القصور

عهد · 08-03-2007, 10:03 PM

الله جزاك خير على جوابك ريحتيني الله يريحك دنيا و آخره و يعطيك العافية على المعلومات الطيبة و إن شاء الله بحولة راح اسوي اللي قلتي عليه و مشكورة حيل

القطوة الدلوعة · 08-03-2007, 11:02 PM

صاحبة وفا كفت و وفت

عهد · 08-03-2007, 11:40 PM

يسلمووو و يعطيك العافية على المرور وصاحبة وفا ياربي يوفقها ^^

صاحبة وفا · 09-03-2007, 12:14 AM

العفو حبيبتي مانبغي منج غير الدعاء ^^ وأي شي أنا تحت أمرج

عهد · 09-03-2007, 12:04 PM

يسلمووو صاحبة وفاا ابشرك قطوتي الحمدالله صارت الحمدالله زينه بعد ما سويت اللي قلتية لي قمت اعطيها من اكل البيت كنت امس حاطه لها فخذ دجاجة كامل ما شاء الله كلته كله والصغار اليوم شيكت عليهم قصدي تأكد من انهم الحمدالله بخير ^^ والبراز الاصفر الحمدالله شكلة خف يعطيك الف الف عافية على المساعده و الله يجعل لك في كل خطوة سلااااام ^^ ....مشكوووورة حيل