اشترك في نشرتنا البريدية ليصلك كل جديد

Musab Pro · 02-07-2010, 11:21 AM

بسم الله الرحمن الرحيم
اليوم يا اخواني اعضاء 2ZoO ودي اسولف معكم عن اسلوب مميز ومفيد بالتدريب وكما وعدت الشباب اني انزل موضوع عنه
الغرب يستخدمونه بشكل كبير الا وهو الكليكر . (clicker)

متى ،ليش ،كيف استخدم الكليكر؟

الكليكر يستخدم اذا قام الكلب بالتصرف الصحيح المطلوب منه ، السبب في استخدام الكليكر هو سرعة المكافئه، طريقه استخدام الكليكر هي مجرد الظغط عليه .

اخواني من الممكن الى الان ما اقتنعتو فيه ولكن لنفرض مثلا . انت ناديت الكلب وجاك من الطبيعي انك تكافئ الكلب عشان يصير فيه ولاء لك

جلست تقووله قوود دووق ومن هالكلام وتدخل يدك بجيبك وتطلع الكليس وتفكها وتطلع حبه وتحطيه وترجع كيس الدراي فوود بجيبك ،،، وقتها الكلب ممكن يكون نام

او ما يدري انت عطيته ليش

احتمال بالوقت اللي انت تطلع فيها الاكل هو يكون جلس عالارض وممكن يلحس جوتيك الله يكرمكم فالكلب يفهم ان الاكل جاه عشانه جا او جلس او لحس الجوتي ؟؟

ولو فرضنا معك الكليكر و اول ما ناديته جاك وانت عطيته كليك.. انتهى الموضوع فهم الكلب انه لما جاك انت عطته كليك .

بعدها عطه فوود على راحتك

الكليكر قام بتثبيت المعلومه خلاص .

يبدا التدريب على الكليكر بالطريقه التاليه .

جيب الكلب حطه قدامك ومعاك الكليكر باليمين و الفوود باليسار .
بكل بساطه عطه كليك وبعدها على طول حبه دراي فوود
كليك ، فود ، كليك ، فودكليك ، فودكليك ، فود وعلى هالحال مدة يومين او ثلاثه
اللي بيصير يرتبط عند الكلب الكليك بالاكل . بعدها خل الكليكر معاك ونبدا مع الكلب اي تمرين مثلا

سيت - اول ما يجلس تعطيه كليك . بعدين فود
ستاند - يقوم عطه كليك على طول .

هذا الشي يخلي الكلب يستوعب انه سوى الامر صح على طول

--------

المشكله

--------
في ناس واجد يقولون طيب وين القاه ؟؟ ما حصلته بمحلات الحيوانات ..هذا طبيعي انا شخصيا دورت ما لقيت وبحثت عنه بالنت حصلت اسعاره من 5 الى 10 دولار تقريبا .. انا ما يهمني ابد سعره او شكله او او

اهم شي عندي وضيفته فلذلك انا مو ملزوم يصير عندي كليكر ..اي شي ممكن يكون بديل

جربت البديل مع كلبتي وظبططتتتت

بكل بساطه ولاعه ام ريال او درهم او ميه فلس وممكن تفضي غازها عشان ما تولع او تخليه عشان الكلب يسمع الكليك ويشم ريحته بعد

وهذي افلام توضيحيه تعلمنا السالفه من طقطق للسلام عليكم

http://www.youtube.com/watch?v=15vKqCSNhqY

http://www.youtube.com/watch?v=50LjftfbQHg

http://www.youtube.com/watch?v=ek95SDnK0Yg

اتمنى اني ما اطلت عليكم وان الموضوع كان شيق و مفيد ..وتراه غير منقول مو تقولون

تقبلو تحياتي

**الـــــــرازم** · 02-07-2010, 11:51 AM

التدريب بالكليكر >>> تركيز ومكافأه بنفس الوقت

والكثير يجهل هذا التدريب وهو ممتاز وقد تم تطبقه

من قبل الكثير >> طبعاً انا استخدمته لكلاب الزينه عندي

المهم يعطيك العافيه اخوي وماقصرت على الطرح

مجهود واضح وممتاز

اتمنى لك التوفيق والمزيد من النجاح

>>>

اخوك ابوخليفة

JRX-1 · 02-07-2010, 01:09 PM

تسلم اخوي على الموضوع والله كنت استنى بحماس بس اذا كنت اسويله زي كذا ما عاد يسير الكلب شرس يعني انا اتوقع انو الكلاب الشرسه تكون اشرس من غير كليكر ..... صح؟؟!

Musab Pro · 02-07-2010, 03:16 PM

ماله علاقه بالشراسه باعتقادي ينمي التركيز زي ما قال اخوي بو خليفه

**الـــــــرازم** · 02-07-2010, 04:36 PM

اقتباس:

المشاركة الأصلية كتبت بواسطة JRX-1

تسلم اخوي على الموضوع والله كنت استنى بحماس بس اذا كنت اسويله زي كذا ما عاد يسير الكلب شرس يعني انا اتوقع انو الكلاب الشرسه تكون اشرس من غير كليكر ..... صح؟؟!

اخي الكريم رغم انني مستغرب من سؤلك ولكنني سأجيبك

الكلاب التي تكون قد سبق وتم التعامل معها منذ الصغر

بأمور التركيز مثل ( الدنبل + الكليكر + الكره )

تكون متشوقه للجائزه والهديه والسبب ابداعها بالتركيز

موضوع الكليكر

يعني حالياً العمل يكون فقط

Building Drive and Focus

تأهيل مطارده تركيز بقصد اللعب والمراقبه للكلب

لزرع الحصاد للمستقبل لكي يكون

حامل درجه كافيه من

الدفنس درايف + البري درايف + فايت درايف

طبعاً للكلاب التي تكون فصائلها ذات تخصص

والأهم من ذلك ان تكون سلاله نقيه اصيله تحمل من وراثتها

هذه الجينات ( هارد دوق)

صحيح ان الجينات تلعب الدور الرئيسي ولاكننا لانظلم الكلاب التي

لاتحمل تاريخ معروف او مصنفه تصنيف آخر

لأن الزمن هو لي يحكم عليها وخاصه ان تعاملت على يد مدرب ممتاز

اتمنى ان المعلومات كفت ووفت بالرد