الشـحـن ..؟!! ارجـوا الــرد بـأإسـرع وقــت ..!

[محبـه الكوكاتيـل]

السـلام عليـكمـ
كيـف طريقـه الشـحــن للببغاوات ..؟!
انا بشتري باذن الله ببغاء بس من منـطقه مو قريبه مني وابي اشحنها بالطياره كيـف ..؟
وش لازم علي اسوي ..؟
وكـمـ سعر الشحـن ..؟!

[alshoaibi1]

اخوي من وين لوين عشان نفيدك

[alshoaibi1]

شكلك مو مهتم

وكاتب باسرع وقت

[محبـه الكوكاتيـل]

من الرياإأض للمـدينه المنوره

[حب استطلاع]

الطريقة يتصل الشخص المرسل ( البائع ) بمطار مدينته

وإذا كانت عندهم طائرات فيها أكسجين

راح يطلبون رقم المرسل له ( المشتري )

ويرسلون فاكس فيه بيانات المستلم إلى مطار مدينتك

وهم يتصلون فيك ويأخذون موافقتك في إستلام الشحنة ويخبرونك بموعد وصولها

بعد كذا البائع يوصل الطير للمطار ويدفع رسوم مبلغ ( 145 ) ريال

مع المراعاة عن توصيل الطير للمطار ما يكون الإنتظار طويل عن موعد إقلاع الرحلة

تحسباً للجوع والعطش

[Budgerigar]

مثل ما تفضل اخونا حب استطلاع لازم تكون الطائره فيها اكسجين واغلب الطائرات الي فيها اكسجين الي هي الكبيره ومع الاسف الطائرات الصغيره لا يوجد فيها اكسجين بالنسبله للشحن والحل الثاني لو كانت الطياره او الرحلات من الرياض للمدينه مافيها اكسجين انك تشوف لك واحد تعرفه مسافر من الرياض الى المدينه ياخذ الطير ويحطه في صندوق صغير شفاف مثل الشنطه يبيعونه في محلات الطيور بعضها تجي للهمستر او للاسماك ويكون كبيبر شوي وياخذه معاه في الطياره بس قبل ما يركب الطياره يروح يدفع ما يقارب الخمسين ريال لو ما خاب ضني عند كاونتير المسافرين للطير وانا قلتلك صندوق شفاف افضل في تنقله في المطار وعند التفتيش وهذه انا جربتها زمان بس السعر نسيت والله بس تقريبا خمسين ريال

[محبـه الكوكاتيـل]

اهــإآأ
واكـيد بيوصل لي الببغاء ..؟؟

[محبـه الكوكاتيـل]

صندوق شفاف ؟
طيب كيف يتنـفس .؟!

[محبـه الكوكاتيـل]

طيب انا بقـول للي تبيع لي الببغاء تشحنه لي وش اول شي تسوي ؟؟
تتصل على مطـار مدينتهـا وبعـدين وش تقول لهمـ ..؟!

ابي الطريقه بالتفصيل ؟
الله يجزاكم الجنـه

[Budgerigar]

المشاركة الأصلية كتبت بواسطة محبـه الكوكاتيـل

صندوق شفاف ؟
طيب كيف يتنـفس .؟!

روح لمحلات الطيور وراح تلقى صناديق شفافه بلاستيك مثل الشنطه الصغيره وفيها ممسك لليد من فوقها.. وغطاها من فوق مخرم يعني الهوا يدخل ويتنفس عادي ... على ما اعتقد انها للهامستر او انها للاسماك ما ادري لاكن موجوده بالوصف الي قلتلك عليه انا سويتها والله زمان وجبت فيها ببغاء امزوني وحطيته معي في الطياره لأن الطياره اذكر ما كان فيها اكسجين وهذا كان الحل الوحيد لي وكل من شافه عشان الصندوق شفاف يقول السؤال المعتاد ببغائك يتكلم؟
او فيه حل توني فكرت فيه بس ما عمري جربته او سمعت احد جربه الي هو الشحن عن طريق البر اسئل "النقل الجماعي" هل بالأمكان شحن طير من الرياض الى المدينه؟؟