مساعدة فى الأمازون

[q8u]

سلام عليكم يا اخوان
انا عضو جديد فىة المنتدى
وعندى كم سؤال عن الأمازون

انا عرفت ان الأمازون اكثر من نوع واللدرجة الاولى تكون من نصيب بلو ناب
وبعدة دبل يلو هيد عدل؟؟ او المعلومة هذى خاطئة؟؟؟؟

وبعدين شلون اقدر اميزهم واميز اعمارهم؟؟؟

انا لقيت خوش موضوع عن انواع الأمازون بس للاسف ما طلعت لى الصور

http://www.2zoo.com/vb/showthread.ph...E3%C7%D2%E6%E4


انا رحت سوق الحمام اكثر من مرة وحصلت اكثر من نوع بس كان بودى ان اشترى بس تعقدت اى نوع اخذ وانا ما اعرف حصلت واحد يقول لى عندة نوع فية اسم اورنج وحصلت بلو ناب على كلام البائع
ويقول انة درجة ثالثة الى اهو اسمه ارونج ؟؟

بس حصلت اسعار متفاوتة يعنى احصل عند واحد 100 دينار وواحد ثانى 80 دينار وثالث 200 و 400 دينار
وكلهم تقريبا نفس النوع لان صعب على اميزهم

يقول انة بس يفرق الحجم عن الاورنج واليلو ناب؟؟؟

وهل صحيح فى يلو ناب نوعين يعنى حجم صغير وحجم جانبو؟؟؟

وشلون اعرف الصغير من العمر هل من العين كل ما اغمج لونها صار اصغر فىلا العمر؟؟

وهل فية شخص يبع فروخ اليلوناب فى الكويت ارجوكم ساعدونى لانى بصراحة صار لى اكثر من شهر وانا اسئل واتقصى عن الامازون وانواعها؟؟؟


و انا سمعت انة فية فروخ يلوناب تفريخ مزارع الكويت ارجو المساعدة
ارجوكم ساعدونى ابى اشترى الامازون خاطرى فية من زمان بس ما اعرف اى نوع اشترى و شلون اميز بين انواعاهم وخاصة ان كل بياع يقول الزين عندى وهذا درجة ثانية وبللصحيح اهو درجة خامسة او الاخيرة
النصح يا اخوان النصح جزاكم اتلله الف خير

[broodes]

هلا والله اخوي q8u
طبعا الامازون طير جميل ومتحدث ممتاز يمتاز بصوت عالي وهو افضل من الافريقي من حيث علو الصوت

يعني لو تبيتجي عند الافريقي و تتكلم بصوت عالي تلقاه يهز راسه بسرعه ولا يستوعب بسرعه لانه يطير ما يحب الازعاج بينما الامازوني لا كل ما عليت صوتك نطقه بنفس علو الصوت وانا انشالله ابنزل الصور

هذي صور اليلو نابد
http://www.avesint.com/yna.html
وهذي صور الدبل هيد

http://www.avesint.com/dyha.html


طبعا الاغلبيه يحكمون على العمر من العين اذا كانت توها كلها سوداء يعني توه فرخ واذا كان لونها اسود محدده بعسلي يعني الطير كبير وبما انك تبي تاخذه من مزرعه في الكويت اكيد راح يعلمونك عن عمره


بس كم اسعاره في الكويت اليلو نابد

وانا من ناحيتي افضل اليلو نابد وهي قدرتها في الكلام ممتازه سواء اليلو دبل هيد او اليلو نابد

[فارس مجهول]

أخوي
درجات الأمازوني أول شي فيه الدبل يلوهيد وبعدين اليلوناب بصراحه الأمازونيات روعه وأولوانه حلوه
وأنا مأنصحك تاخذ الأمازوني أورنج وينق لأنه قليل الكلام وبالنسبه للنوع البلو ناب هذا مع أحترامي للشخص اللي قالك أهو مايفهم في الطيور البلوناب نادر جدا وسعره خيالي وبالنسبه لمعرفة عمر الأمازونيات ففيه موضوع كتبه الأخ كينق باروت وهو خبير في الأمازونيات تقدر تلقاه في المنتدى وأنا أنصحك إذا بغيت تاخذ الأمازوني أنك تاخذ يادبل يلوهيد أويلوناب أو بلو فرنتوزا وفي الأخير الرأي لك

[q8u]

اشكركم الف الف شكر بس الظاهر انى ابى اخذ اليلوناب اعتقد انه الافضل

[فارس مجهول]

والله حتى أنا احب اليلوناب

[adobe]

كنت اربي افريقي وكنت مستمتع ومبسوط وزي الفراولة
وبعدين تدرجت في الامزوني يلوكراون - بلو فرنتد - دبل يلو هد ومن ثم طحت في اليلوناب ...... وما ادراك ما اليلوناب
شيخ الطيووو ولاتدري امير الطييوو تدري عاد ملك الطيور وتاج راسهم
ذكاء وخفة دم وصوت وبراءة الاطفال
كنك متبني لك طفل مو طير آه آه آه
والحيييييين عندي 4 طيور كلفتني حوالي 43 الف ريال ول عندي امكانية شريت بمليون ..
ياهي طيووووووررررررررررررررررررررررر وبس

للتكبير اضغط على الصورة

[زحزوح]

السلام وعليكم
ياخوي شوف سوق الحمام نصابين يدبلون السعر تبي تشتري امزون زين طيب روح القطيف احسن وارخص.

شكرا

[فارس مجهول]

أخوي أدوبي مألومك الامازونيات وخصوصا الدرجات الأولى منها فل كامل روعه تربيتها

[q8u]

والله بصراحة بخاطرى الامازون بس على قولتكم النصابين فى السق يستغلون جهلى فى انواع الامازون
ويعطيكم الف عافية انكم نورتونى فى الانواع ساعدتونى كنت بلياكم ضايع

انا حصلت خو ش مواقع عن الامازون
http://www.centralpets.com/pages/birds/parrots.html
دش الموقع واختار نوع الامازون او البغبغاء وشوف الصور