محتاجة تشخيص محترف في الكلاب

[kitty cat]

السلام عليكم .. عندي كلبة ومحتاجة تشخيص محترف عن عمرها ونوعها

وعندي سؤال : عادي تاكل أكل قطاوة ؟

حاولت أعرف نوعها لكن مافي فايدة طولها من 35 -40 cm وتفضلوا صورها

الجسم كامل



صور الوجه





وشكرا مقدما

[بحريني رومنسي]

هلا اخوي او اختي!!
المهم الله يسلمكم ويخليكم الجلب ماله اصل واختي اكل الاقطاوه غير عن اكل الـ الاجلاب
ومايسوى تعتني فيها اذا تبي منها 1000 تعال البحرين وصيد من الشارع
والله يعطيكم الف عافيه وتحياتي العنيفه لكم وسلملمــــــــــــ،،،

[بو خالد]

والله اختي هذا النوع ........ يسمونه بالخليج (( جعري )) او (( خكري ))
طبعا ملها اصل وهذي النواع تكون هجينه من عده كلاب

لمعرفت عمر الكلب
أكثر شي نعتمد عليه لمعرفت العمر هي الاسنان
لك هذه الطريقه المبسطه

من3 إلى 4 أسابيع : تظهر اسنان لبنيه مدببه في الامام
6 أسابيع : تظهر الطواحين اللبنيه في آخر الفك ومدببه أيضا
من3 إلى 5 شهور : الطواحين الدائمه تظهر في آخر الفك
من 5 إلى 6 شهور : الأنياب الدائمه تظهر العليا والسفليه ويزيد عدد القواطع ويظل هناك فجوه في نصف الفك
من 6 إلى 8 شهور : أخيرا يظهر الضرس إلى في وسط الفك ويصبح الفك كــامل
وبعدها ياعزيزي القارئ تتشرد مراح اتعرف عمر الكلب الدقيق ما بعد السنه وتبقى الاعمار
تقريبيه عرفت
من سنه ونص إلى ثلاث سنوات : يقع أحد القواطع ويصبح طرف الانياب أملس أي غير مدبب
وبعد الثلاث سنوات تشتغل التكهنات والتفلسف عاد إنت وكثر ما تقدر إتألف
لون اللثه ولون الاسنان واللسان زادة الشقوق الي فيه وانت رايح عاد
ملاحظه هامه : نشأة الأسنان كلها تختلف من حيث
ظهور الاسنان عند الإناث أسرع من الذكور
ظهور الأسنان في الكلاب التي تولد في الصيف ، تظهر أسرع من الذين ولدوا في الشتاء
الأنواع الكبيره تتفجر الأسنان فيها قبل الانواع الصغيره
الكلاب المفطوست الأنف ، والكلاب الصغيره ، عادتا ما تحتفظ بأسنانها اللبنيه لفتره طويله.
هذا كان على حسب خبرتي البسيطه لمعرفت عمر الكلاب

منقول لحن الخلود

بنسبه حق الاكل القطاوه في مثله اكل بس حق الكلاب
معلبات اذا ودج اتوكلينا

[mohamed_is274]

اختى العزيزة الكلب دة من النوع العادى الى فى مصر اسمة بلدى وبيكون فى الشوارع

[fawaz01]

السلام عليكم

الكلب هذا على قولت واحد من الشباب الله يستر عليه طبعاً باللهجة الأردنية ( سلاخي ) وعندنا في الرياض ( جعري ) يعني كلب شوارع ، الكلب كلب بجميع أنواعه إذا كان ودك تربيه وتكسبي أجر فيه نصيحة أولا التأكد من خلوه من القراد في جسمه ثم التطعيم و تجريعه ضد الديدان ، الكلاب من هذي النوع غريزتها الحراسة ، وممتاز جداً في الحراسة ( يوضع سره في أظعف خلقه ).

تحياتي لك

أخوك / أبوفيصل

[dober]

هو كلب شوارع وماينفع لا للكيف ولا للسيف

الا اذا تبين جعري قوي وشرس تعالي جبال سوريا بجبلك جعري شرس 100 %

[فايز]

السلام عليكم ورحمت الله تعالى وبركاته

والله ماقصر معاك مشرفنا العزيز بو خلوود ...

دوبر للحين مصمم ان (( الخكر )) شرسين يالت تيجي هنا وتشوف اشرس (( خكري )) وش يسوي... ومعلومه اختي كل (( جعري )) بل عالم حده ينبح .. وإذا صارة طفره جينيه فيه وصار واحد من 100000000000000000000 عضاض اوادم لو عضك وطقيتيه طراق خلاص تشوفينه بعدها ذليل ومينابح ابداً ..

[nasser]

هاذا الكلب جعري و مب زين اكل القطاوه له

[أحمد سمارة]

الكلب ده موجود في الشراع كتير وهو ليس جيد

[CSI II]

السلام عليكم ورحمة الله وبركاته

انا اختلف مع الاخوان
انا ربيت جلبة خكرية من الشارع صايدها من كانت صغيرة ودربتها وكانت تفتهم علطول وتعض وعلى عكس كلام فايز مع احترامي له ولخبرته وعلى عيني وعلى راسي بس الجلابة اللي مو معروف اصلهم ولا فصلهم يظلون جلابة
والجلب اللي تتكلم عنه يافايز هذا اللي يكونون صايدينه واهوا متخكر خالص وبعدين يضبطونه واول ماينطق راح يرجع مثل اول اما اذا كان من اهوا صغير يختلف " ولا انت شرايك ؟ "

وهذا الجلب اختي مثل ما قالولج .. " خكري " او جلب شوارع
ولعوبي حيل وتحطينه على الجرح يبرا
يعني يونس وينفع حق المنابح والحراسة
بس الجلابة الخكرية بشكل عام كلها مزعجة
من تنابح مرة ماتسكت


وباجي الكلام مثل فايز

بالنسبة حق سؤالج

اي ينفع توكلينه اكل قطاوة بس ليش..اكل مخصص حق الجلابة موجود بالجمعيات
وعوديه على الخبز والعيش مع اللحم او دياي او معلبات مخلوط مع العيش اذا كان لج خاطر تخلينه عندج وانشالله بتكسبين فيه اجر

تحياتي