كامـ سؤال مجنني......

[xXxHEARTxXx]

الســلام عليكم/
بعد أزنكم عندي سؤاليــن /

أنا عندي جوز أسترالي (ذكرين) شغلين , لكن لســة مجوزتهمش
وعاوز أجيب لهم نتايتين وأحطهم في قفص كبيـر....
هل لازم أدخل كل ذكر ونتاية في قفص لحد ما يأخذو علي بعض وبعدين أنقلهم علي قفص تاني كبيـر مع أجوزاز تاني , ولا أدخل الذكرين الي عندي علي نتايتين وكل واحد يختار واحدة ولا أية؟؟

وسؤال تاني لو مكنش فيها رخامــة /

الفاش .. أنا عندي بياضـة مليانة فاش والمشكلة في زغليل فيها .. أيــة الحل؟؟؟ لاني بجد زهقان من الموضوع دة ومش عارف أعمل أيـة؟؟


وأستفسار أخير وانا عارف أنكم كرهتوني من أول موضوع /

سعر جوز الفيشر الاخضر كام؟؟

الللللفـ شكر

[shahy]

بوص انا رأيى انك تحطهم كلهم مع بعض و كل واحد يختار الانثى اللى عايزها .. بس بشرط انك توفر العشوش (البياضات ) ليهم يعنى اتنين او تلاتة كده ..

اما السؤال الثانى : فيجب عليك انك تشيل الفروخ براحة و تحطهم فى مكان دافىء و غير خطير و مش فى مكان عالى عشان ميؤعوش .. و تسحب درج العش اللى بيتنظف و نظفه كويس اوي .. و بعدين بعد اما تشيله حتلاقى ارضية العش تحته .. جيب مبيد حشرات و حط كام نقطة كده ووزعه على اركان العش بالذات .. و بعد كده سيب المكان يتهوي شويه و بعد كده دخل الدرج و حط الفروخ .. وحاول انهم يكونوا بنفس الترتيب اللى كانوا فيه يعنى .. و برده المفروض انك تحط القفص فى الشمس اقل حاجة ساعة .. و كرر العملية دى كل يوم او يومين بالكتييير .. و ان شاء الله يختفى الفاش ..( بس حاول و انت بتحط المبيد مايكونش رش عشان ماينتشرش فى العش كله .. حاول يكون تحت الدرج بس عشان ميوصلش للفروخ و يتأذوا ..

ولاهى مش عارفه .. انا بعرف اسعار البادجى بس فى مصر لكن الفيشر انت ممكن تسأل فى القسم بتاعه .. بالتوفيق ..

[xXxHEARTxXx]

اللللللف مليون شكر يا باشا وجزاك الله كل خير


بس يا برنس أي نوع مبيد حشري ينفع ؟؟ اصل انا خايف علي الفروخ؟

واللللف شكر

[shahy]

اولا انا بنت مش ولد .. ثانيا : اي نوع انت ممكن تجيب بودره و تخففها بالميه .. (أحضر وعاء عميق يسمح بوضع العش بداخله ويضع به ماء كلما كان ساخنا كلما كان هذا افضل ثم يضع به حوالى من 15 الى 20 سم من ماده الملاثيون المطهره والقاضيه على الحشرات والفاش ، مع ضروره ان يكون العش مغمورا فى الماء بقدر الامكان ... يترك العش فى هذا الماء لمده حوالى 10 دقائق .
.. بعد ذلك يتم اخراج العش من الماء ثم يترك فى اشعه الشمس حتى يجف تماما .)
بس حاول ما تطلعش الميه دى فوق يعنى تكون تحت الفروخ بس و ماتخفش التجربة دى مجربة .. و بالتوفيق ..

[xXxHEARTxXx]

اولا انا بنت مش ولد ..

أسـف جداً والله مختش بالي من الاسمــ


واللللللف الللللللللف شكر علي الرد والشرح الجميــل ,