اشترك في نشرتنا البريدية ليصلك كل جديد

كاسكوكيه · 12-02-2010, 06:29 PM

السلام عليكم و الرحمه..

اخباركم؟

من أمس وانا احوس في البيت اريد اسوي مجاثم لشامبيه وبوشهاب.. لانهم الي في القفص اكلوهم..

و الحمد لله اليوم لقيت هالشيره الي تقريبن شبه ميته..

طبعن الجزء الميت منها هو الي قصّيته..

بعد ما قصّيتها بديت ايخوّز الاغصان الي ما اريدها وانظف هيكل الشيره عشان يكون مناسب للببغاوات.. وولد اخوي كان يساعدني..

و جبت سلّه عشان تكون قاعده للشيره..

وهاي الشيره عقب ما حطّيتها في السله عشان اجوف كيف بتطلع

طبعن انا ما قصّيت كل الاغصان.. لان كان فخاطريه ان الشيره توصل لاخر ارتفاع في الحجره...

بس للأسف طلعت توصل لليت.. فاضطريت اني اقصها قبل ما احط فيها العاب للاخوان الي عندي..

ثبّت الشيره بكم حصاه.. و حطّيت الاقفاص بالطريقه الي تناسبني.. طبعن القفص الاصغر لبوشهاب.. و خليته ناحية الباب لانه الجهه الثانيه فيها مكتب الكمبيوتر و بوشهاب مخرّب رقم واحد الله يحفظه خخخخخ فوجب الحذر..

وبعدها بديت بالتزيين.. كنت مشتريه عقد نسائي بس للاسف انا ما البس هالديزاينات.. و اشتريته بس لشامبيه وبوشهاب عشان يكسروه..

و فجّجته حبّه حبّه.. كالتالي..

و علقت الحلقات في الشيره.. وزّعتهن على الاغصان ..

و حطيت من شي ثاني في الشيره عشان يقرضون فيها لين يشبعون..

واخيرن.. يبتهم و كانت اول ردّة فعل لهم جنهم شايفين ديناصور ههههههههه بس اخرتها وبعد نص ساعه.. تشجّع شامبيه و خطي خطواته الاولى عليها..

كل هالشيره استغرقت مني ساعه فقط او حتى اقل..