لولو وجآك وكم سؤآل

[أسآمه]

بسم الله الرحمن الرحيم

السلام عليكم ورحمة الله وبركاته

مساء صباح الخير <<< كلن بوقته


كيفكم وكيف قطاوتكم عساكم انشالله مرتاحين

المهم قصتي طووويله وابي اختصرها بقدر استطاعة فلسفتي الزايده <<< خخخخ


المهم انا اصلن ما شاركت في منتداكم الا عشان قطوتي لولو بلا فيه اشياء كذا ابي استشارتكم فيها

ابعرفكم على قطوتي

أسمهآ :لولو كآتي واختصار اسمها لولو <<< أحلف

نوعهآ : شيرازي مون فيس مع ان ابوها بكي فيس

لونآ : أبيض خرافي

عيونهآ : زرق بلمعه جنآن

البنيه خالعه ودلوعه ومنسيتني الدنيآ ومافيها الين جا وقت التزاوج حقها من اسبوعين وشوي

وانقلبت علي صايره تتميصل بقوة المهم وديتها لمحل ابي ازوجهآ واحد يرفع الرآس المهم دورت ودورت ولفيت اربع محلات ولقيت شيرازي بيكي فيس (افطس) نقي جايبه المحل للتزاوج فقط بلا قيمته فوق الثلاث الاف المهم

الرجال طلع مهناش مهوووب فحل المطلوب بلاه انبلش كل يوم والثاني جايه قطوة له تبي تتلقح والمكان ضيق ولافيه اية نشاط وكبير عمره فوق السنتين المهم جلستها اسبوع عنده وماش ما جازلي الوضع

صرت ادور في ذا الاسبوع بيكي فيس في كل محلات الرياض ولا شفت ولا شيرازي على نفس الموصفات الي براسي


انا أبيه صغير ما يتعدا عمرة السنه والنص وابيض أهم شي يكون أبيض ولا لقيت

وارجع للمحل اباخذ لولو وانا يآئس وأدخل المحل ويبشرني الدكتور يقولي حانا قطو نفس الي تبيه بس تعبان و صافقته الشمس لاعبه في حسبته يعني نبي نحط عليه عنايه اربع ايام ونشووف وش بيصير هو قالي واروح ادخل على القطو واشوفه الا نفس المواصفات قلت ابشتريه والله لو قيمته ثلاث الاف << متحمس الولد

الا ويدخل راعيه هو دخل واطب في حضنه وصار راعيه ما يدري وين الغنم سارحه القطو لخته واخته مسافره برا هي وزوجهآ قلت له ابيه ابشتريه قالي لا والله مقدر ومن هل الكلام

قلت ابيه لو اسبوعين ابي ازوجها قطوتي قال ليه وش فيه زود


واجلس امدح في قطوووه ساعتين ونص وكبر راسه قال اوك ابتصل عليها واشووف

أتصل على اخته وقالها فيه ولد يبيه جلس يطالع فيني وهو يتكلم معها الا وابتسم قلت زين كم تبي

ابروح اسحب قالي لا والله مابي منك شي خذه واختي قالت اذا بيعتنيبه ياخذه بس لي ثنين من عيالها قلت لو نص عيالها مافيه مشاكل واخذه انا من هينا واحطه عند لولو والحمدلله الحين الوظع تمام



المهم سوري على الاطاله وعلى سرد قصة حياتي هههههههههههه <<< أطلع برآآآ
الاسئله هي :

1__ الغيره الحين بينهم يجي جاك يبي يلعب شوي معي تجي لولو وتهاوشه ويوخر عنها ؟؟!!

وش الحل ؟؟؟؟؟؟؟؟؟

2__ فيه فرق بين أكل الذكر والانثآ ؟؟؟

3__ جاك من عقب طقت الشمس الي فقعت وجهه شعره ماش كنه خشن شوي وبالنسبه للولو طالع ليفه موآعين هههه !!!

وش الحل ؟؟؟؟؟؟؟

4__ شلووون أنظف عيوووون جآآك بلا الشمع الي في عيونه مليان احاول انظفه ينظف شوي مو كثير !!!! ( ولا تنسون انه افطس نقي بكي فيس نقي بقوة )

وش الحل ؟؟؟؟؟؟؟

ويعطيكم ربي الفين عافيه وان تآخرت بالرد على الردود أعذروووني ..


مع تحيآتي :

أسآآمهــــ