اخر تطورات ( ترويض الامازون ) معي ..!!

[medozoom]

السلام عليكم ورحمه الله وبركاته

يسعدلي اوقاتكم بكل خير جميعاُ

اليوم جاي وجايب لكم سالفتي من طقطق لسلام عليكم << وش عنده

المهم

فـ البدايه كان ببغائي متعود يعض بسبب او بدون سبب رايق ولا معصب

حاولت معاه إلين طلعت عيوني الصراحه تعبني بالعض عضاته جدا مؤلمه اعطيته اخونا سكر وما قصر معاي

جربت العسل جربت زبده الفول السوداني جربت كثير اشياء ولكن العض ما زال مستمر

المهم اخونا ابو محمد قالي طريقه وطبقتها ونجحت ولله الحمد

وصار الطير يطلع على يدي

الطريقه كانت اني احط القفص على الارض واشيل الغطاء من فوق واترك الطير الين يطلع وينزل للأرض وبعدين نبعد القفص عن مكان التدريب نقدم للطير الفول السوداني او الشي الي يحبه مهما كان



ويديت حبه حبه واحط ايدي عند رجله المهم حبه حبه إلين مسكت وحده من ارجوله ورفعته فوق صار ما فيه إلا يدي يوقف عليها المهم مره بعد مره الين صار يطلع على اليد





مشكله المسح : حاولت كثير وكثير لكن ما فاد مررره معاه كل ما احاول امسح راسه ما يخليني طلع عيني لكن ما فاد قلت اجرب هالفكره وضبطت وهي اني اقربه من المرايه واخلي وجه الطير للمرايه واحاول امسح وابشركم نجحت والدليل فـ الفيديو هذا ولما ابعد عن المرايه ما يخليني امسح عليه

نشوف الفيديو



اتمنى اني افيد واستفيد من اخواني بالمنتدى وتقبلوا صدق مودتي

تصدقون بعد هذا كله والطير صار الحمد لله موالفني إلا ان مشكله العض مثل ماهي وبنفس القوه مع العلم اني امسح راسه عند المرايه إلين يغمض عيونه ويصير هادي مرررررررره لكن لما احط اصبعي عند منقاره يعضني عضه بدم نفسي مره يعضني عضه تكون بدون دم خخخخخخخ

نشوف الردود

محبكم الدائم

محمد

[n-b-n-b]

اتمنى اصير مثلك مرووض..


بالتوفيق..


مشكوور..

تحياتي..

[جنون الصمت]

مبروووك عليك ترويض الطير
وبالنسبة للعض فيه طريقة جدا رااااائعة وانا مجربها وهي انك تحط بصبعك عسل وتقربه لمنقاره هو بيعضك لكن لما يعضك بيتذوق العسل وبيبدا يلحسه وهكذا لين يترك العض
بس انتبه لا تكثر من العسل لانه مع كثرته قد يؤثر على الطير
والف شكر

["مجرد علامة"]

ماشاء الله

طير حلو وطريقة احلى

نفس الطريقة اللي أتبعها دائم

بس ماشاء الله عليك اعجبني صبرك واصرارك


لاتنسى تبلغنا بالمستجدات


يعطيك 100000000000000000 عافية







يارب عفوك

[ابو محمــد]

ماشاء الله عليك يامحمد والله الشغله تجي في يوم وليله استمر ع الحركه هذي وطبقها ولكن روش الطير قبل لكن تكون الغرفه دافيه وراح يصير مثل الحمامه وافضل وقت قبل العصر ,,,

وبصراحه انت مجرم في التدريب اقصد فلته .

[الآسطورهـ]

ألف مبرووك على الترويـض

لكن ,, اهم شي الصبـر ..

[فارس مجهول]

أتفق مع اخوي ,, صمت ,, انك تضع عسل

في اصبعك واذا عضك ,, راح يتذوق طعمه

,, وبعدها ,, راح تخف عضته وراح يبدى يلعق العسل بدل مايعض

بالنسبه ,, للمسح فيه طريقه حلوه ,,

في البدايه امسح على منقاره

وبالتدريج اطلع لراسه ,, وحاول بيدك الثانيه

اذا جاء يعض ,, يكون معاك فول سوداني او حب شمسي

وحطها في فمه ,, وبالتدريج راح ,, يخليك تسمح عليه

تلقائيا

[..::AL-BaDeR::..]

ما شاء الله عليكـ يالغالي

يعطيكـ العآفيه

وآلفـ مبروك علىا الترويض يالغلا

تقبلت مروري وزود آحترآمي

["مجرد علامة"]

ممكن بعد تستعيض عن العسل بـ عسل التوت ، الأمازونيات تحبه " شكرا استاذنا ابومحمد "



وبالتوفيق


















يارب عفوك

[ProOoF]

أخوي ياغالي , كل مابالموضوع أن الطير بدأ يولف عليك لكن ماعنده كل الثقه أنه يسلمك نفسه

لنتيجة سريعه ,, أول مايخلص ترويش أمسح عليه وأستمر لمدة ربع ساعه وقتها بيقرب منك ومستسلم لو أنت عدوه ,, مرتين بالاسبوع أو 3 مرات ,, بالإضافه لمحاولتك خلال أسبوعين بيكون دجاجه بيدك وبيثق فيك ,,

وبالتوفيق