استفسار

[سلطان7]

السلام عليكم ورحمة الله وبركاته

إخواني حبيت استشيركم واستفيد من اقترحاتكم ولاني متأكد وواثق أني راح أحصل تفاعل وحل لـ هالمشكلة قررت أني أنزله بـ هالمنتدى وان شاءالله استفيد بحسب خبرة بعض المربين والمشكله هي أني أول مأبدية بتربية البادجي كنت حاطهم بغرفتي ؤبعد مده قصيره شريت مجموعة والاجواز عندي بدت بالتكاثر فوقتها أنجبرت أني إنقلهم للمستودع ؤبعد مانقلتهم هنا بدت المشكله لأن الإنتاج قل وفقدت نص طيوري لأن المستودع فيه فتحه وأي طير يطلع من القفص دايركت يطلع من هالفتحه ويروح وحاليا أنا إفكر أني إنقلهم للحوش لأني أعرف كذا واحد حاط طيوره بالحوش بس ماعرفت كل التفاصيل وشائل همها وقت الصيف وخائف تنتكس حالة الطيور عندي ووقتها راح اضطر أصفي كل الطيور إلي عندي وبكذا ماستفدت شيء .. أتمنى أحصل حل بأسرع وقت وخاصه من إلي جربو قبل وربو بالحوش لأني راح استفيد من تجربتهم واعرف النتائج والاضرار بنفس الوقت .. و أسف على الإطاله

[ذكريات كوكتيل]

السلام عليكم ورحمة الله وبركاته

اولا اخوي لازم ناخذ كم نقطه مهمه في تربية البادجي :

البادجي طائر غير اجتماعي يتزواج ويبيض ويفرخ في جماعات في البريه لاكن في الحبس تختلف النتائج فلو انك بتربي بالحوش حط لهم سلاكه ولاكن قد يحصل هجوم على الفرخ

انت موقعك بالرياض درجة الحرارة تصل 2 تحت الصفر يعني تجمد وبرد قارص لايضر البادجي بشكل عام لاني مجرب وصلت 5 تحت الصفر ولاكن تضر الفراخ وقد تسبب موتها احيانا

التيارات الهوائية الباردة في الشتاء والحارة في الصيف (تسبب موت الطيور)


العواصف الترابيه ولامطار والحشرات

ثانيا حلول هذه المشاكل :

حل المشكلة رقم (1) :

قم بعمل سلاكه تكفي لضعف عدد لازواج الي بتحطها يعني(سلاكه تكفي ل10 اجوز حط بها 5 اجواز فقط) وافصل بين كل زوج وزوج بشبك يعني حدد منطقة فيالسلاكه لكل جوز عشان مايتضاربو ويخربو على بعض

حل المشكلة رقم (2) :

قم بتغطية السلاكه من بغطاء مثل قماش الخيمه وحط لمبة جوا عشان توفر لهم ولو قليل من الدفء ماتكون مكشوفة تغطي حولها بشبك عشان ماتلمسها الطيور وتحترق

حل المشكلة رقم (3) :

الحل في الشتاء تغطية السلاكه وفي الصيف تغطيتها وتشغيل مروحه بس تكون على لارض ومو متحركه تحطها اتجاه الجدار عشان مايصفق الهوا حقها الطيور مباشرة

حل المشكلة رقم (4) :

لمشكلة المطر يكون فيه مظله فوق السلاكه اولا عشان الظل عشان ماتجيهم الشمس الحاره وثانيا المطر وبالنسبة للحشرات حط ارضية السلاكه تراب قابل للزراعة (مو سماد ) يكون تراب مخلوط بكيمة قليل من السماد وتزرع تحتهم اي شي بكيفك وثانيا روثهم الله يكرمك سماد طبيعي

النتائج :

طيور بصحة وسليمة وانتاج رائع ومنظر رائع خصوصا لو زرعتها

وفي النهاية ارجو اكون افدتك

اخوكـ/ذكريات كوكتيل...

[سلطان7]

وعليكم السلام ورحمة الله وبركاته
مشكور يأخوي وما قصرت وان شاءالله راح استفيد ​​​​​​مـن خبرتك ونصائحك بشكل كبير ويعطيك العافيه

[mnnm]

الطيور تاكل الزرع على طول

[hamod king]

السلام عليكم
انا عندي قفص قي الحوش و القفص كبير يكفي تقريبا ل15 زوج وفيه الحين 3 ازواج
و زرعت تحتهم ريحان علطول كلوه
و في الصيف رش عليهم ماي بارد
و حطلهم بياضات فخار احسن شي لان في الصيف يكون داخل بارد و الشتاء يكون دافى
و حط لهم المساقي فخار احسن من بلاستيك

[فهد 24]

هلااخوي
طيب ليش ماتسكر فتحة المخزن
احس ان الحوش يكلف مره
والله يوفقك ويخلي طيورك

[سلطان7]

وعليكم السلام
مشكور يأخوي على الإفادة ومعلومه مهمه بالنسبه لي ؤسهلتلي أمور كثيره ويعطيك ألف عافيه

[سلطان7]

هلابك أخوي فهد بالنسبه للفتحه إلي بالمستودع صعب أسكرها لأن المستودع بوقت الصيف يكون فيه رطوبه وحر وهذا يأثر على الطيور وتعرف الطيور بالحاله ذي مستحيل ينتج وحالته تنتكس من سوء إلا أسوأ ويسبب لها أمراض لذالك أبي إنقلها للحوش مع توفير المستلزمات والهدوء لها وعلى العموم الله يوفق الجميع وجزاك الله كل خير

[الجوهرة هنادي]

و عليكمـ السلآمـ و رحمة الله و بركآته

ما شآء الله الأخ " ذكريات كوكتيل " و الأعضآء ما قصروا

و أعطوكـ كل شيء ، اعمل بالنصآئح

و الله يوفقكـ أخي