اشترك في نشرتنا البريدية ليصلك كل جديد

(المالك الحزين) · 21-12-2008, 04:52 PM

السلام عليكم و رحمة الله و بركاته

اخواني بغيت اسألكم بشأن التفريخ

نحن فالبيت عندنا قفص تقريبا 4 متر في 3 متر

وفيه كالتالي :
زوج بط (العادي اللي يكون لونه ابيض)
3 دجاجات و ديك (بالغين)(ثنتين من الدجاجات يبيضون يوم هيه و يوم لا)
5 دجاجات (غير بالغين)(تقريبا 4 شهوور)

المهم عندنا دجاجة وحدة بالغة باضت قبل تقريبا 10 بيضات ووقفت عن وضع البيض تقريبا اسبوعين و البيض كان اول مرة تبيض فيه فاستخدمناه للأكل

وبعد ما مضى الاسبوعين بدأت تبيض و الحينه تقريبا مجمعين 10 بيضات مالها ... و نحن مسوين نفس الدروج ع الارض تقريبا 5 دروج و حاطين نفس قطعة خشب بحيث تغطي من قدام عسب محد يشوف الدجاج و هو يبيض ... لان الدجاج بطبعه خجووول

المهم نحن الحينه جمعنا 10 بيضات داخل البيض في مكان معتدل (هب في الثلاجة)
وانا طلعته امس و حطيته بالدرج اللي الدجاجة دايما تبيض فيه (طبعا ارضية الدروج نشارة خشب لكن انا حطيت جونية عيش فوق النشارة و حطيت فوقه البيض)

ولحد الان ما يلست ع البيض
واليوم باضت بيضه لكن فالدرج اللي عنده ... فشوو الحل ... و كيف اخليها تيلس ع البيض

وطبعا الجو عندنا معتدل بارد .... يعني ما يخيس البيض مثل الصيف

ابا حل عسب اخلي الدجاجة ترك ع البيض .. و انا سويت نفس قفص صغير داخل القفص العود ... و قلت بحط الدجاجة داخل و مع بيضها .. لكن الوالدة قالت لا تحط الدجاجة لانها بتموت .. و قالت لي انه الدجاجة لما تبا ترك هيه اللي بترك و ما يستوي شي بالغصب

فارجو من الخبراء الجواب على سؤالي

والسموووووووووووحة . .... .. .!!

! هاويه الطيور ! · 21-12-2008, 06:20 PM

وعليكم السلام ورحمه الله وبركاته ..

الشغله ماتبي لها خبير او خبيره !
بس تبي متابعه للطيور وراح الشخص نفسه يعرف طيوره شنو تبي وشنو ماتبي !

لكن للاسف التصرف الي تسويه اكبر غلط ! وللاسف كلامك مافهمته عدل لكن ان شاء الله في حل مناسب للمشكله ..

اقتباس:

وفيه كالتالي :
زوج بط (العادي اللي يكون لونه ابيض)
3 دجاجات و ديك (بالغين)(ثنتين من الدجاجات يبيضون يوم هيه و يوم لا)
5 دجاجات (غير بالغين)(تقريبا 4 شهوور)

يعني البط عايش معاهم بنفس المكان !

اقتباس:

المهم نحن الحينه جمعنا 10 بيضات داخل البيض في مكان معتدل (هب في الثلاجة)

هذي الجمله مافهمتها !

يعني البيض اخذته واحتفظت فيه بعيد عن المكان الي تبيض فيه !!! لما صار العدد 10

رديت بنفس المكان علشان تجلس عليها الدجاج ؟ اتمنى الرد على سؤالي هذا !!

اقتباس:

ولحد الان ما يلست ع البيض
واليوم باضت بيضه لكن فالدرج اللي عنده ... فشوو الحل ... و كيف اخليها تيلس ع البيض

اول شي :

اذا اهل البيت يبون ياكلون البيض ! المفروض ياخذون البيض في الصبح اول ماتبيض الدجاجه

لان اذا قعد اسبوع راح يتكون فيه الجنين ..

*

واذا كنت حاب تنتج صغار الدجاج ..

تترك البيضه مكانها ولاتحركها .. لانه الدجاجه راح ترجع مره ثانيه وتبيض بنفس المكان
لما ينتهي عدها البيض ..

حاولي 15 بيضه او اقل او اكثر [ اهي الدجاجه اتعرف متى ينتهي ] وبعدها من نفسها تجلس على البيض

بس يكون مكان البيض غير مرئي لباقي الطيور ... مثل البط والدجاج الاخرى

لانها راح تصيح كل من شافها واهي جالسه على البيض وماتبي احد يشوف المكان .... انت انطر وراح تشوف الوضع غير ..

اقتباس:

وطبعا الجو عندنا معتدل بارد .... يعني ما يخيس البيض مثل الصيف

انا ملاحظتي [ بدجاج عندنا ] في فصل الشتا الانتاج اكثر بس قليل الفروخ الصغيره تكبر لانه الجو بارد
وبعضها مايتحمل من يخرج الى ايام ويموت على حسب لازم يكون في مكان دافئ واكل متوفر ويكون الام والصغار بمكان منفرد على بقيه الطيور

لانه ذكور البط تلتهم الصغار ..

اقتباس:

ابا حل عسب اخلي الدجاجة ترك ع البيض .. و انا سويت نفس قفص صغير داخل القفص العود ... و قلت بحط الدجاجة داخل و مع بيضها

@@ اخوي

ماكو شي بالغصب ..

اهي من نفسها اذا البيض محد حركه من مكانه والمكان آمن راح تبيض فيه لما يكتمل العدد
ومن نفسها تجلس على البيض

ولاتنسى .. رقوودها على البيض عباره عن صيام بدون اكل ولا ماي !!

لكن تطلع فترات قليله ماتطول يادوبها تشرب رشفه وتاكل بسرعه وترجع ووزنها ينقص لان شهر كامل راح تجلس

واذا راح تغصبها [ راح تموت بلا شك ]

وهذي المعلومات الي عندي واذا كان في شي الاعضاء مراح يقصرون معاك

(المالك الحزين) · 21-12-2008, 08:08 PM

اختي بالنسبة للسؤال ... هيه نعم

شي غلط مطبعي بدل ما اكتب البيت كتبت البيض

يعني جمعنا تقريبا 10 بيضات فالبيت و وامس حطيتهم في المكان نفسه اللي تبيض فيه

والسموووحه اختي .. !!!

! هاويه الطيور ! · 21-12-2008, 10:22 PM

بصرآحه الطريقه هذي خطاا !!

انك تنقل البيض من مكان لـ مكان آخر !! وبعدين احتمال مو اكيد يكون البيض يفسد !!

مو متاكده ..

وبعدين الدجاجه باضت مكان آخر غير المكان الذي وضعت فيه البيض الـ 10 }

*

اتمنى عدم تحريك البيض من مكانه !
اترك البيض المهم يكون مكانه آمن لايصل اليه احد فقط الدجاجه لوضع البيض حتى يكتمل العدد
وراح تشوف بنفسك اهي جالسه حتى لما تقرب منها راح تشوفها [ غاضبه وتصرخ ]

نتمنى من المره القادمه ان نسمع خبر حلوو ...

(المالك الحزين) · 22-12-2008, 07:04 AM

والله ما ادري بس الوالدة اتقولي انه البيض يفسد فالجو .. لانه مرة حر ومرة برد ... و جذه

وحتى سألت في بعض المنتديات
وقالوا لي لا تخلي البيض فالقفص ... لانه الجو متقلب .. جمعه ف مكان درجة حرارته ثابته .. و بعدين رده للمكان عسب اترك عليه الدجاجة

وتسلمين اختي ع المرووور

! هاويه الطيور ! · 22-12-2008, 11:44 AM

بالعكس شي طبيعي بعض البيض يفسد لكن مو جميع البيض راح يفسد

المعلومه الي اخذتها يمكن مو ناس خبيره او ماتعرف مجرد تقول كلام وخلاص !

*

في السنه الماضيه الدجاجه باضت بالشتا وكان امطار ! وبرد ! وبعدها انتجت 14 فرخ ! وليش ماخرب البيض من درجه البروده ! ولو الدجاجه تبيض كل يوم وترك لما جمعت البيض وجلست عليه ...

*

اقتباس:

و بعدين رده للمكان عسب اترك عليه الدجاجة

ماكو شي غصب .. ان الدجاجه تخليها تجلس / لانه اهي اتعرف مو احنا نعلمها

اهي بالفطره تفهم انه خلاص لازم تجلس عليها وبالطريقه هذي راح تموت / واعضاء سووها الطريقه هذي وكتبووو مواضيع ان الدجاجه ماتت ..

وانت حر وراح تشوف النتيجه بعينك

alyassa · 25-12-2008, 05:34 AM

[QUOTE=هاويه الطيور;740969][CENTER][B]بالعكس شي طبيعي بعض البيض يفسد لكن مو جميع البيض راح يفسد

COLOR="Red"]الموضوع عادي ما مشكلة استمر في التربية لا تاخذ هم ومثل ما قالت لك هاوية الطيور كلامها صحيح