تكفون ساعدوني

[abadynn]

السلام عليكم

اخواني انا عندي فرخ دره عمره فوق ثلاث شهور او اقل مكتمل الريش
ذبحنا مو راضي يفطم ماياكل الا بالأبره رغم انه يأكل من يدي
الا انه يعض رغم حطيت بأصبعي عسل يجلس يعض بقوه ايش الحلhttp://www.gulfup.com/?3b7jZm

[بوسلمان]

خف من الغر عليه اذا كنت تغره ثلاث مرات فخليها مرتين وحط له اكل بالقفص ويكون لين مثل بطاطا مسلوقة وجزر مسلوق وان شاء الله بفطم

[monybat]

ما شاء الله طير حلو حافظ عليه

ماهي المشكله ان تستمر في غر الطير انها افضل لحظات تمر فيها مع طائرك

على كل حال اذا اردت ان تفطم الطير ابدأ بتقليل فترات الغر واجعلها مرتان في اليوم اذا كنت تعطيه ثلاث وايضا مع مراعاة توفر الاكل بقفص الطير
لكن لي راي لا تفطم الطير الا ما يتعود عليك
لانه طالما للان يعضك ولا يتقبل اصبعك فهو مازال خائف منك
بالتوفيق

[شرارة]

قلل مرات الغر غره مرتين في اليوم وقلل الكميه عشان مايشبع ونفس الخلطه حقت الغر ثقلها وكورها مثل الكور تقريبا كبر حبة القهوة وحطها في الصحن واخلط عليها حب شمسي الصغار اللي يجي لونه ابيض حق الببغاوات الصغار مثل الكروان

وبنسبه للعض شيل القفص عنه نهائيا خله على استاند ودايم شيله وحطه في حضنك واقعد لاعبه وقلبه ولمسه وامسح عليه
وراح يولف ويترك العض
اهم شي شيل عنه القفص لا يشوفه



اتمنالك التوفيق



تحياتي للجميع

[abadynn]

هو متعود علي ولما يسمع صوتي يصرخ وغير كذا أقوله اطلع
على أيدي يطلع بس المشكلة لما أجي ابي أطلعه من القفص
لعشان ااكلة يحاول يعض انا مدري ممكن خاف من اخواني
حتى قبل شوي خرجته برا القفص وجلست العبه هي المشكلة
لعشان دوامي مساء قبل لا اروح الدوام اوكلة ومارجع له الا ١١ بالليل
كمان حاط له حب دوار الشمس وحاط له مويا

[شرارة]

هذا بسبب القفص حطه على استاند

كيثرطيور الليفه جدا خارج القفص وفي القفص تعض


يا انك تحطه على استاند وتخليه يتعود عليك اكثير
او تروضه على عدم العض وهو داخل القفص بحيث انه يطلع على يدك من داخل القفص بمجرد سماع كلمة اطلع
تقوي قلبك وتدخل يدك عليه باستمرار

[يعسوبة]

الدره بطبيعتها مهما ولفتها تخاف من الناس خصوصا اذا تجمعوا عليها يسببون لها ارهاب
انا عندي فرخ دره مربيته وهو جلد على عظم من عمر شهر وحتى الآن اذا شاف اطفال ولا ناس يتوتر
ويعضهم ولايرضى يطلع على يدهم ابد خصوصا عذا تجمعوا عليه
لكن انا مايعضني ابد ....ويطلع على يدي وياكل منها لاني فطمته من عمر شهرين
اليف معاي جدا حاليا لكنه يتحفظ من الغرباء ويحذر منهم

لازم تعوده يطلع على يدك من داخل القفص
والحل انك تجوعه وتخليه يشوف معاك ابره الغر الجوع بيروضه
ويخليه مايعض مع الوقت
بس انت حاول تغره وهو بالقفص احيانا حتى يتعود عليك داخل وخارج القفص

[abadynn]

اذا جبته عند أهلي وهو عندي أشوف البؤبؤ حقت عينه تصغر وتكبر ذا دليل خوف ولا معصب

[يعسوبة]

غالبا تكون بسبب التركيز والحذر
الطير اللي عينه تكبر وتصغر غالبا اذا قربت منه تعمل عينه مثل عدسة الكاميرا وتكبر وتصغر عشان يركز
فهو يحاول يضبط عيونه على مستوى قربك منه عشان توضح الصوره ومستويات نظر لديه

[abadynn]

جزاكم الله الف خير