أحتاج مساعدتكم ورأيكم في سمات هذا الرمادي الذي نويت شرائه!!

[*بوجاسم*]

بسم الله الرحمن الريحم

السلام عليكم ورحمة الله وبركاته ..

مساء الخير جميعاً يا اعضاء .. كيف امسيتم ؟ عساكم بكل خير ^.^

ياحبايبي أنا متردد ومحتار في شراء هذا الببغاء .. وانا بصراحه الي ابيه ببغاء افريقي رمادي

صغير عمره من شهرين الا اربع شهور لأني أريد ان ادربه بنفسي واخليه يتعود علي من صغره

ولكن للأسف رحت كذا محل في المدينه الي انا ساكن فيها الاحساء ولم أجد ببغاء بهذا العمر

لقيت واحد عمره خمس شهور ولكن حالته لا تبشر بخير >< ريشه كثير منه منتف و شكل الببغاء

جداَ ضعيف وكنه يحتضر (الله المستعان) .. سألت البايع ما عندك غيره ؟ قالي مافي غيره

الباقيه كلهم من سنه وانت طالع .. لكنه عرض علي ببغاء مناسب لي .. بعد ما قلت له أنا أبي

ببغاء اليف ومايعض .. يا اشتري واحد صغير شهرين او ثلاث اشهر عمره وادربه بنفسي او ببغاء

بالغ ولكنه اليف ومايعض ويوقف على اليد .. وراني ببغاء عنده عمره سنه تقريباً قالي هذا اليف

وجربته حملته و داعبت رأسه ولم يكون بتلك الشراسه .. لكن لكن لكن فيه مشكله وحده

الحمد لله انا أشوف ان صحته ممتازه ومشيته وقفزاته وتحريكه للأجنحه كله تمام لكن لكن لكن

مشكلته هي الصوت المزعج الي يصدره من مجرد اقتراب يدي منه !! وقالي البايع هذا الكلام

الببغاء كثير الصراخ .. طيب أنا أبي أستشيركم في هذي المشكله .. بصراحه صراخ هذا الببغاء لا

يطاق .. يصرخ يصرخ يصرخ .. صوت عالي ومزعج .. فهل يهدأ الببغاء مع الوقت ؟

يعني هل ان شريته وتعود علي شهر شهرين وتعود على اجواء البيت .. هل تذهب حالت الصراخ

هذي لانه بيتعود علي ..؟ ولا هذا النوع من الببغاوات كذا .. ؟ يزعج ولا يسكت ؟

والله انا هذا الي محيرني ومخليني اتردد فيه .. أخاف آخذه وعلى بالي بيهدء مع الوقت لكن يطلع

معلق على الإزعاج والصراخ .. وهذا الشي ما يطاق صراحه .. فأرجوكم إفادتي بهذا الببغاء المزعج

وعلى فكره عمره سنه على كلام البائع وانا لاحضت عينه رماديه وقريبه من البياض نوعاً ما ..

فعلاً أظن انه بحدود السنه تقريباً .. ذكر لي سعره ب1200 ريال .. فهل هذا السعر مناسب جداً ؟

أم انه مبالغ فيه .؟ أنا ذكرت لكم ان الببغاء بصحه جيده وحركاته سليمه واليف ولا يعض

لكن مشكلته الصراخ .. وفيه بعد شي لكن ما تأكدت منه .. جناحه مدري كنه مقصوص بشده

او ان فيه بقع منتفه مدري بالضبط كيف اصف جناحه وريشه بشكل عام جيد وليس ممتاز

انا شفت ببغاوات عند البائع في نفس المحل لكن كبيره و اجنجتها وريشها ماشاء الله

جميله وواضحه .. لكن هذا الببغاء المزع ريشه ليست بذيك السوء ولكن ليس مثل البقيه

في النعومه والكثافه .. مدري يمكن لأانه اصغر ببغاء في المحل او لأن فيه عله معينه ..

عموماً هذا مالدي واتمنا من الاعضاء المساعده قدر الإمكان .. وإذا واحد قالي اتركه وما اشتريه

ياليت جزاه الله خير يدلني على البديل .. إن كان هناك محل موثوق ويبيع ببغاوات اليفه او صغيره

ياليت توصفه لي حتى وإن كان برا الاحساء اي مكان داخل السعوديه ان شاء الله اني احاول

الوصول اليه ..

وجزاكم الله خير ^.^

[forever1]

اخوي مساء الخير اخوي ابو جاسم وحياك في المنتدى
انا افضل انك تاخذ شي صغير بالعمر على شان تريه على يدك اذا كان عندك الخبر في اطعامه وذا لا افضل انك تاخذ شي توه ياكل بنفسه افضل
عاى العموم انا مريت من فتره يوم كنت ادور طير بالموصفات الي تبيها وبصراحه تعبت يالله لقيت الي ابيه وممكن اوفر عليك كثير من العناء اذا بغيت انا مستعد وتقدر تراسلني على الخاص وبشر بسعدك

[*بوجاسم*]

اخوي forever1 جزاك الله خير وماقصرت .. أنا \قيت على تلفون محل وقالي عنده واحد عمره 3 شهور

هولندي اليف جداً .. لكن المشكله سعره نار 2400 ريال .. توني راجع من سوق الخميس حصلت لي واحد

ممتاز .. انا توني مبتدأ في الببغاوات اول كنت اشتري كروانات بس .. لكن هذا الي شفته في سوق الخميس

روعه افضل من الطائر المزعج الي سبق وتكلمت عنه .. هذا اهدأ منه و ريشه ماشاء الله نضيف وجميل ..

والحلو نفس سعر الببغا المزعج 1200ريال .. عطيت راعي المحل تلفوني قلت بدق عليك اذا بشتريه ..

والله من جد تحمست له ..

وياخوي كانك تقول عندك واحد مب مشكله كلمني على الخاص وان شاء الله احصل عندك الأفضل ..

[abuassel]

السلام عليكم
اخي الكريم الافضل لك هو شراء الطير الصغير الهولندي وترى سعره مو غالي
بس اهم شي انك تشوفه ياكل قدامك دامك مبتدئ واول مره .
اخوك ابو اصيل