محتارة هل القطة مريضة او لا ؟؟ مع الصور

[MASA]

مسا الخير عليكم جميعا

*
*
*

بموضوعي الاول شرحت مشكلة قطتي الصغيرة وهي الاسهال والوهن والاستفراغ

اخدتها عند البيطري مرتين ومع قراءة كتثيرة وخبرات من هون وهون
ومساعدة من الاخت فاتو قدرت اني احسن من حالها بس لسا الاسهال موجود


صرلي عشرة ايام عم اعطي القطة بيتاموكس مرتين يوميا على وصفة الطبيب

وانا اتاكدت منه وانه شاطر جدا ومتل ما قريت الدوا يقتل العفونة

او الجراثيم والفطريات بالامعاء ولاحظت خروج دم مع براز القطة

وهالشي قريت انو طبيعي مع هالدوا لان ممكن تكون الفطريات

عالقة بجدار الامعاء وبتجريفها ممكن ينزل شوي دم

الدوا الثاني نصيحة الاخت فاتو كابتين للاسهال

صرلي 5 ايام عم اعطيها كل يوم الصبح 1 مل

ولاحظت انو البراز تماسك عن اول بس لسا اسهال

وريحتو جدا كريهة ومو متل براز القطط الطبيعية

بالاضافة الى بيبي لايت للاملاح ومنع الجفاف مرتين باليوم 3 مل

الاكل وصفلي الدكتور الزبادي قليل الدسم وكنت اعطيها علبة باليوم

بالاضافة لوجبتين صدور جاج مسلوق بس حاليا وقفت الزبادي

واكتفيت باربع وجبات صدور جاج مسلوق بس حبيت اني انوع وسلقتلها جزر بمرقة الدجاج

بس ولا قربت عليه نهائي كمان اخر يومين جربت اعطيها كمية قليلة من whiskas

رح حط الصورة حاولت الاقي شي للكيتنز بس ما لقيت وجبت نوعية تصلح لجميع الاعمار

بس للاسف باليومين استفرغت وما هضمته لذلك وقفتو


ملاحظات عن القطة :

عمرها تقريبا شهرين ونصف

حركتها طبيعية جدا ونشيطة

شهيتها للاكل توب

الاسئلة

1- يا ترى القطة شفيت ؟؟ ولا لسا

2- لايمتى اضل اعطيها الدوا كابتين وبيتاموكس ؟ وممكن الدوا يضرها صرلها 10 ايام بيتاموكس

3- بالنسبة للاكل شو اعطيها غير الجاج مشان التنوع يا ريت وصفات ممكن تحبها القطط

الاسبوع الجاية رح اخدها معاينة عند نفس الدكتور لان سالت

عن احسن دكتور بالرياض ودلوني على عيادة او مركز جدا ممتاز

عندهن اجهزة تحليل ومخابر واجهزة تصوير جدا ممتازة

والطبيب مستحيل يموت عنده اي حيوان لانه ممارس المهنة عن حب واهتمام

بس للاسف جدا غالي الكشفية او المعاينة ب 1000 ريال كثير صح ؟

ومع ذلك انا مخليته اخر حل وان شاء الله ما احتاج


صورة الدراي فود



*
*
*

صور حديثة للقطة




*
*
*




*
*
*

بانتظار خبراتكم ومساعدتكم


*
*
*