من شخص جديد - بعض الامور

[بدون تعليق!]

السلام عليكم

من شخص جديد على الطيور مع ان كان لي تجربه قبل ما يقارب 10 سنوات في اقتناء الكاسكو
مع ان ذاك الطير راح في حادث اغتصاب !!<< تم بلعه من قبل قط متشرد
وكان جاهز للكلام وكل شئ يعني اليف ويتكلم

المره هذي تهورت وشريت كاسكو جامبو غير اليف بتاتا البته

الان له عندي اسبوع وداخل بالثاني

صار ماعاد يصارخ ابد الا اذا مسكته بيدي بس على خفيف وصوت غير مزعج ابد

واشتريت له استاند بس قاعد يبلع بالشمسي والفول السوداني وينام ..

المهم .. فيه بعض الامور مسويه لي قلق الان ..

الامر الاول :::

اذا دخلته القفص عشان ينام وغطيته القفص .. اجي مثلا الصباح عشان ابي اطلعه من القفص
يكون بحاله عدوانيه .. يعني يعض ايدي وبقوه ولا عليه من اطلق شنب << يعني ما حسب لك حساب

وان فتحت القفص من فوق طلع فوقه وطلعه على ايدي واوديه للستاند

المصيبه واللي مكرهتني في عمري ..
لما يطلع على الاستاند يروح على مكان الاكل ويوقف !!
صراحه ما ادري وش يحس فيه بالحركه هذي .. اللحين الاستاند بطوله وعرضه ما اعجبك الا المكان هذا !!!

حاولت اتفاهم معاه .. وافهمه ان السلوك هذا خطا

بكلمة لاااا اذا شفته بيطلع وان عاندني وطلع شلته ورجعته على عصا الاستاند !!
مدري كذا صح علي

الشئ الثاني المخوفني صراحه .. فتحه الانف في اليسار اكبر من اليمين !!
بشكل ملحوظ صراحه .. واحس بعد ان فيها زي التقرح ..!
مع بروز بسيط مع ملتقى المنقار مع الراس ولا يحب المسه ابد ابد ابد من منقاره .. ومستعد انه يقص اصبعي اذا حاولت !!!

الشئ الثالث ..
احس شكله العام يعني الريش والجنحان كانها مفككه ويحتاج هو ووجه لتربيط كامل
يعني مو صاف الريش صح .. تحسه مريض !!
مع ان حركته واكله تمام

اللي ابيه بعد الاجابه على كل اللي فوق << ما ينعطى وجه معروض مو موضوع خخخ

- ابي ادربه ياكل من يدي
- يكون يخليني امسك اي منطقه من جسمه
- اذا كان وسط القفص ما يكون يهودي ويقطع يدي يخلني اطلعه بسلام وامان
- اذا وقف على الاستاند يوقف على العصاء مو على مكان الاكل
- وسلامتكم

بعض الصور

.... صورة المنقار ....

صور ريشه وعناده على كوب الاكل