[تفاحه حمرا]

1_ انــك تكــون مــاشــي وواثــق مـن نفـسـك وتـتــطـيـح....
لوووووووول هاي وايد تصيرلي,مره كنت امشي في احد السناتر وكنت راكبه عالسلم المتحرك وعند النزله دست على عباتي بس ماطحت كامل لوووول الي قهرني واحد كان واقف وراي ويقول لي سلمتي بغيت اكفخه ..

2_ انـك تــتـكلــم والـلـى تـكـلـمـه رايــح فـي سابـع نــومــه...
خخخ لاالحمدلله ماتصيرلي,بس العكس يمكن

3_ انــك تــســوي نـفــسـك فــاهـــم ويــجـيـك مــوقـف يـبـيـن انــك اغـبـي مـن الـغـبـي...
اممم عادي تصير في احسن العوايل

4_ انـــك تـكـون فــي سـفــر وتـسـأل واحــد اجـنـبـي ســؤال ويــرد عـلـيـك وان مـو فاهــم ولا كـلـمـه....خخخخخ

خخخ ,ايه صارتلي مره كنا في ميلان في ايطاليا, واهناك مايتكلمون انجليزي وايد,فمادري شوسئلته قعد يهز راسه انه مايعرف,, وبعدين وصفلي مكان ويوم رحته اكتشفت انه بار يعني مرقص هههههه الله ياخذه

5_انــك تـكــون نـايـــم فــي الـحـصـه ولااسـتـاذ يـقـومــك تجــاوب وانــت ما تـــدري اصــلـن ايــش هـي الــمــاده...

خخخ الله يرحم ايام المدارس,,صارتلي مره بس ماكنت نايمه كنت مشغوله فمادري شو..فقالتلي اوقفي جاوبي ..بس عرفت ارقعها
6_انــك تــكـون واقـــف قـــدام الـمـرايــه تـضـحــك وتـسـتـهـبـل ويـمـر احـــــد ويـشـوف هبـالـــك..

لاعاد هاي الحمدلله ماصارت ويعلها ماتصير

7_انــك تــرد علــى واحـــــد وكــان بـيـكـــلم غيــرك وانـت تحـسـبـه يكـلـمـك...

امم مره كنت طالعه مع امي وتقول هلا فلانه(اسمي) شحالج وشخبارج .. وانا ارد عليها واقول الحمدلله بخير وانتي..اخر شي اكتشفت انها تتكلم بالتيلفون عاد وقتها دورني انواع الاحراج

8_ انــك تــدخـــــل مـحــل فــيه تــحــف وقــزاز وتـكــــون تــدف عربــيـه وتـخــبـط وتكـســر كــل شــئ...

لاالله لايقول

9_ انــك تــكــون في مــحــل مـــن بـــره كــلــو قــزاز وتـمـشــي وتـخـبـط بــلقــزاز...

هههههه لااماصارت وان شاء الله ماتصير..بس صارت حق خدامتنا مره .. كان بيتنا جديد وتونا منتقلين فيه وباب المجلس زجاج .. فهي فرحانه داخله الا اسمع طاااااخ وشفتها تحك راسها ومت ضحك ع الموقف.. الله لايحطنا فيه خخ

10_ انـــك تـكــونـيـن تمــشــيـن ورافــعــه خشـــمــك لــفــوق وتـجــيــك وحــــده وتقـولــك عبـايــتـك مقـطـوعــه مــن وراء..

هههه لالا..بس يصيرلي موقف مشابه. وهو اني اكون كاشخه وماشيه واثقه واخر شي تجيني صديقتي وتقول يافلانه ترا شعرج طالع برا من ورا..فشله ولله خخخ

11_ انـــك تــشـوف سـيـاره مضــلـلــه وتـصـلـح ثــوبــك وغـتــرتــك او شــمــاغــك وتــفــتح النافذة ههه لغة عربيه..المهم نكمل وتجي وحــده وتــقــول لــك يــا قــلــيل الادب....

مره كنت داخله محل وبابا نزلني وراح وعقب يوم طلعت ادور السياره مالقيت المهم شفت من بعيد نفس سيارتنا وانا الحبيبه فرحانه رحت ادق الدريشه لانه ماكان يبين فيها (مخفي)ماتدري تعرفون المخفي ولا ..المهم ادق بأيدي عالدريشه ,,واخر شي اشوف واحد ينزل الدريشه ويقول نعم يالطيبه في شي ..مايحتاج اقولكم شوكان شعوري حزتها

12_انــك مـــاشــي ومتـشــخــص وجــوال كمــيــرا ولـبـســك بــدلـه مــاركــه وصاير كشخــة وراكــب تـكــسـي

لاالحمدلله ,,

ومشكور اخوي ع الموضوع الجميل