اقتباس:
المشاركة الأصلية كتبت بواسطة القدساوي
السلام عليكم ورحمة الله وبركاته
قواك الله يا استاذنا العزيز بروف على هالمجهود الرائع
واسمحلنا غبنا شوي وانشغلنا بالازواج
عندي سؤال بسيط
بالنسبه للزوج اللي ركبته مع بعض
طبعا مثل ما وضحت لك بالسابق انهم ياكلون مع بعض وبقفص واحد من فتره تزيد عن 3 اشهر تقريبا
ولكن لحد الان الانثى تخاف من الذكر
مع ان يتودد لها بشكل دائم بوضع منقاره وبطريقة ان يفلي لها ريشها
واحيانا وبشكل نادر تبادله الموضوع ولكن احس انها مغصوبه ومجبره على هالشي
واحيانا وخاصة خلال هالايام فترة الظهيره وانا متابعهم عالكاميرا اشوفها تنبطح من شدة الخوف منه واهو يحاول معها وللعلم ريشها تقصف من كثر ما هو يحاول وياه واحيانا يستعمل معاها الخشونه ولكن ما اشووف عدوانيه قويه ضدها
مع العلم ان لحد الان ماشفت اي غيره من الفحل او هجوم علي لما اغير الاكل او الماء لهم
فما رأيك يا استاذي ؟
هل اخليهم على الوضع اللي هم عليه ولا برايك افصلهم ولا ايش اسوي ؟
وبصراحه انا متوقع انها صغيره بالعمر لحد الان ما جهزت ولا شرايك انت لو ما كانت صغيره هل ممكن من نثية جاهزه تضل طول هالفتره تقاوم !؟
وهل من رايك اجرب الذكر مع نثيه ثانيه لو حصلت مع العلم اني ابحث عن انثى بس مو محصل طول هالفتره
ولكن لو حصلت هل احطها معاه او افتحهم على بعض ولا امر فترة الاقفاص كل طير بقفص لفتره وبعدها ادخلهم على بعض ! وكم تحتاج الفتره او هل مع بوادر معينه لو شفتها ادخلهم وماهي البوادر اللي راح اشوفها عشان اعتبر انهم متقبلين بعض
وتحياتي الحاره لجميع اخواني واشقائي من المملكه العربيه السعوديه
|
عليكم السلام ورحمة الله وبركاته
الله يحييك يا الغالي وأعانك ربي
هالأنثى وضعها غريب
لو الانثى صغيره ممكن يكون هذا السلوك ولكن مايصل لهالدرجه
أقل شيء تتودد بينهم بعيد عن تزاوج والغريب الذكر غير عدواني
إذا متأكد بأنها أنثى أفضل وضعها فتره امام ذكر ثاني كلاً بقفصه
و وضعهم بقفص واحد ومراقبتهم , فضلت ذكر ثاني لانه أسهل من البحث عن انثى
أذكر عندك ذكر ثاني , و إذا مالقيت ممكن تاخذ ذكر تحت التجربه أن كان متوفر
لكن سلوك الطيرين مع بعض طوال هالفتره غير مجدي ولاتضيع تعبك
أفصلهم حتى لايضيع وقتك
بخصوص البوادر الامازون يتميز بميزه مهمه ومريحه الهجوم حتى لو الطيرين كل واحد بقفص
أغلب الذكور من التوحش و الدفاع عن الأنثى ودها تاكل الشبك حتى تهجم
حتى لو لم يكن بينهم توالف فقط رغبه الذكر بالأنثى يحصل هالشيء
أتمنى وضحت الفكره