[الأميرة الصغيرة]

ما شاء الله.. يعطيك العافيه, موضوع أكتر من رائع ~
واللي ممكن يكون مرجع لكتار من مربين السلاحف المائية اللي عندهن صعوبة بتوفير الاكل لسلاحفهن.

بس ادا بتسمحلي أضيف عموضوعك; انو أفضل يكون تقديم الأكل للسلحفاة بحوض تاني غير الموجودة فيه (تكون حرارة المي قريبة للي بتكون فيه لحتى ما يكون عليها تغيير مفاجئ بالحرارة, ومن بعد لتخلص الاكل نرجعها على حوضها), لحتى نقلل من انتقال الامراض وكمان ليبقى الحوض نظيف من بقايا الاكل والوسخ, وهيكا بيكون أسهل تنظيفو!
ومن تجربتي.. ما كنت بفضل تربية السلاحف المائية للي عندهن اطفال ولا للمبتدئين بتربية الزواحف ولا بنصحهن فيها, لانو من بين كل الزواحف (السحالي والافاعي) تربيتها بتحتاج لكتير عناية واهتمام وحتى وقت وأكتر إشي بفصل الصيف,, ان كان بالاكل, صحتها وكمان بتنظيف الحوض


وعم نستنى منك بعد متل هيكا مواضيع اللي بتهم مربين الزواحف