رد: عايزه اعرف ازاى اربى جوز حمام مبدأيا لاول مره فى حياتى ؟
اقتباس:
المشاركة الأصلية كتبت بواسطة mohamed hosny
بسم الله الرحمن الرحيم مع احترامى الكامل للهاوى bird96 انا من مصر و عارف المدام قصدها ايه انتى عندك عنين حمام بالباب الجرار تمام هاتشترى 2 مسقى للمياه و 2 طاجن اكل متوسط الحجم و تشترى الاكل درة عويجة من العطار و ممكن درة فشار و هاتشترى جوزين الحمام من الى تعرفيه بصى بقى لازم يكون الحمام ريشه سليم و شكله كويس و يكونو دكرين و نتايتين و هاتخديهم فى شيالة و تروحى البيت و تحطى كل دكر ونتاية فى عين بس اهم حاجة حاجة مهمة جدا جدا انك تكونى عارفة شكل الدكر والنتاية علشان انتى ممكن تحطى دكرين مع بعض او نتايتين حاولى تحفظى لونهم او تعلميهم بحاجة مميزة او حاجة احسن خلى البياع يحطلك كل دكر و نتاية فى شيالة لوحدهم وده الاحسن و سيبيهم فى القفص لمدة اسبوع و بعد كده ممكن تفتحلهم و ماتخافيش بس ياريت تحطى العيون على الارض مثلا فى البلكونة احسن وكمان حضرتك قولتى انك ساكنة اخر دور يعنى كويس نظام الاكل و الشرب بقى المياه اول حاجة المسقى تتغسل كل يوم كويس جدا و تتملى بس ياريت فى مواعيد يعنى لو غيرتى المايه الساعة 12 يبقى تتغير الساعة 12 تانى يوم و الاكل بردو بمواعيد بس مرة الصبح الساعة 9 مثلا و مرة الساعة 5 كدة بس اوعى تخلى الاكل عندهم على طول هقولك ليه علشان لما الاكل يفضل قدامهم علطول مش هيبقى عندهم شهية للأكل و بالتالى هايخسوا و الجاى اهم انهم هايعملوا لا مؤخذة زبل على الاكل و يجى بعد كدة ياكلوا منه يجيلهم امراض و كمان فى نظام تانى للحمام علشان انتى ممكن تكونى مش عايزة تتطيريهم ممكن تحطى العيون فى ارض البلكونة برده و تقصى ريش الجناح بتاع الحمامة بالمقص و الاحسن جناح و احد بس من كل حمامة و سعتها بقى ممكن تسيبيهم فى الارض من اول ماتجيبيهم يعنى مش لازم يتحبسوا اسبوع انا كدة خلصت معلش طولت اوي بس انا عندى سوأل انتى غرضك ايه من الحمام اكل الزغاليل بتاعته و لا للهواية ولا للطيران و شكرا
|
ربنا يباركلك ياأستاذى
بجد شرحك جميل
وانا بصراحه بفكر فى حاجات كتير (وعلى رأى زوجى ان دماغى حتودينى فى داهيه هههههه)
جربت الارانب وزهقت وعندى دلوقتى بط
ونفسى اجرب حاجات كتير
بس دايما يحبط معنوياتى
وعمال يقولى حيطيروا مش يرجعوا وممكن يجيبوا تعابين اعوذ بالله
ده غير الفئران اللى اكيد موجوده
طب هو انا ممكن احبسهم ومخرجهمش نهائى ؟؟؟؟؟؟؟؟؟
اقتباس:
المشاركة الأصلية كتبت بواسطة WORLD OF ANIMAL
تمام كلام الاخوان ما قصروا معك
ومرحبتين اولا باهل الاسكندرية
بما انك فى الاسكندرية يعنى ما شاء الله عندكم امطار بشكل كبير
عشان كدة اهم شئ انك تحمى الحمام من المطر
وادخلى المواضيع المثبته واقرايها كلها فى الاول عشان تتعلمى اكثر عن الحمام
واحب اقول لك شئ :
الحمام البلدى صراحة ما راح ادخل معك فى مواضيع عنه لانى اذا حبيت اتكلم عنه ما راح يكفينى يوم كامل
انا احبه احبه احبه احبه و...........................................................
ولكن كل ما اقدر اقوله لك انه ممكن يعيش فى اى ظروف يعنى اذا وضعتيه بالجبل راح يعيش ما تقلقى عليه
وما ياثر فيه حر او برد او اى شئ سبحان الله
كل المطلوب منك الماء والاكل والمكان الجيد وان شاء الله راح تستمتعى بالتربية جدا جدا
وفيكى تربيه بالبلكونة او بالسلم او بالسطوح اهم شى الماء عشان احنا فى الصيف والجو حر
والاكل ده لازم والمكان الامن اللى هو محكر مثل اللى وضع لك صورته اخى بيرد
وفيكى تعمليه يدوى او تخلى اى نجار يعمله لك او تشتريه جاهز
تقبلى مرورى
|
شكررررررررررا لك اخى فى الله
شكل الفكره اشتغلت ويارب افلح بقه هههههههههههه
جزاك الله كل الخير
حاجرب نصايحك وكله بأمر الله
اقتباس:
المشاركة الأصلية كتبت بواسطة رائد ملكاوي
تقدري تربي في المحاكر الموضحة في الصور
واهم شي ابعاد المحكر يعني كل جوز لازم يكون قفصه او محكره 75سم طول بعرض 50سم بارتفاع 50 سم
وتحطي بكل قفص طاجن للتعشيش ومشرب ماء ووعاء لوضع العلف
وتقدري تحطي الاقفاص باي مكان شرط تمنعي وصول الاطفال والجرذان للحمام
وحطي قطعة قماش علشان تعملي ظل اذا حبوا يبعدوا عن الشمس
وبالشتاء تقدري تحميهم بمشمع (قطعة بلاستيكية) من المطر
وبالتوفيق
|
شوفت بقه شكلى حالف على اقسام المنتدى واعمل البيت عندى جنينه حيوانات هههههههههههه
عارفه انى بتعبك معايا
شكرا وجزاك الله كل الخير
|