|
رد: وصفات شهية لأطباق قططك الملكية ..
أخوي بدر الكويت أنتوا اللي أروع بتفاعلكم معاي في أول موضوع لي ...
بالنسبة حق سؤالك الأول : فانسي فيست أول ما استخدمته حق دومينيك صار مثل المفجوع كل شوي يوقف عند صحنه ويماوي فكنت أقول حرام يمكن صج يوعان وفعلا صار فيه اسهال وانت بكرامة وأظن اني نزلت استفسار بهالخصوص وفادوني قطو كويتي وفطوم باني أنظم وقت أكله فسويتها ونظمت نوعية الأكل بعد.. و قللت كمية الوجبة من علبة كاملة بالوجبة إلى ملعقتين أكل كبار بس.. وقمت أعطيه هالنوع مرتين باليوم لأن 25 - 9 بيكمل سنة حبيب روحي.. يعني بالغ.. والحمدلله ردت صحته مثل ما تشوفه بالتوقيع اسمالله عليه
بس بالنسبة حق قطوتك عطها ملعقتين كبار مرة وحدة باليوم وباجي اليوم كله دراي فود . وانشالله بيوقف الاسهال ويرجع طبيعي .
بالنسبة حق الرويال كانن آنه بصراحة أقولك ما أستعمله حق دومينيك ولا حتى شفته بأي مكان بالكويت لا بمركز سلطان ولا سيتي سنتر بالفرعين ولا حتى بالجمعيات بس يقولون انه جمعية مشرف فيها أغراض وايد حق القطاوة وليلحين ما صارت فرصة أروح بس يمكن اللي يستعمله يقدر يفيدك وسامحني على القصور .
روزاريو انت اللي تسلم على مرورك.. وآنه بنت مو ولد
|