[أرنوبي]

السلام عليكم
إخواني ابغى اعلمكم بنكبتي مع الهامستر الصيني الله لا يبلانا
كنت مسوي فاهم على واحد من اخوياي إني فاهم في الحيوانات بخصوص الهامستر
والله وننزل انا وإياةللسوق
وهو متحمس إنة طالع مع واحد لة خبرة
والله أخذنا فرة طبعا على السوق واعلمة انواع الحيوانات وأساميها
يعني هذا ألي تقدرون تقولون انه استفاد هذا الشخص مني
المهم إلين جينا عند الهامسترات وما أدراك مالهامسترات
واعلمه بالأنواع وزي كذا
إلا شوي اشوف خويي (فها) أو (فغر) أو قولي ألي تقولون المهم أنه قاعد يطالع في الهامستر ((الصيني)) بتعجب
وجيت انا على نياتي اعرف ان هذا هو هامستر صيني
قاعد أسئل البنقالي كم سعرة وزي كذا
طبعا خويي باقي يطالع فيهم متعجب من حركتهم داخل القفص السريعة
قلتلة أمسك واحد فيهم
أنكب ماقدر يمسك
جيت انا الخبرة !!!!!!
واطارد واحد من الهامسترات الصينية في القفص طبعا
إلين حدحدتة في زاوية
ومسكته
ويوم رفعته خلا ص هو في يدي
ويجيك الهامستر ويعظني في الأصبع وانا ماكنت اعرف شي عن انا هذا النوع يعظ
زي العظة ذي وأجيك أرمية على الأرض
طبعا أنا في البداية
لكن بعدين ضحكت وقلتلة لا هذ النوع معرووووووف عند مربي الحيوانات هو كذا
المهم خوي أستانس ذاك اليوم قاعد يضحك علي
وأجيك مسوي أن الوضع عادي

المهم قلته ياغبي سويت فيك مقلب كنت أبغى أشوف انت تساعد خويك ولا لا
أو تنقذة ولا لا
على العموم راحت ذيك اللية بعلومها
والله يسامح الجميع على ماخطوى حتى البنقالي راعي المحل ضحكناة شوي ولا كانت أخلاقة زفت

وطلعت من المحل وأناا:confused

أردد عبارة
(((ياشين إلي مسوي فاهم)))
واعذرونا على الإطاله

والسلام عليكم ورحمة الله وبركاتة