[مها]

شوفي ياستي, أنا كل القطط والكلاب إلي عندي أعملهم عمليات

- ماهو العمر المناسب لعملها ؟

أفضل عمر هو 6 شهور

هل يحتاج القط لاهتمام ورعاية اكثر بعد عملها ؟

ولا أي شي تاخديه ويرجع لك زي الفل إن شاء الله وأختلف مع الحلوه سيسي مون

في حكاية الدراي فود, لأن أنا عندي بنات وأولاد أعمارهم ماشاء الله لاقوة إلا بالله فوق ال 12 سنه

ووحده عسوله ربي يسعدها عمرها 17 سنه عيونا بارده عليها إن شالله

وطبعاً ومن هما أطفال عمليات, والأكل ألأساسي هو الدراي فود حتي الكلاب طبعاً

وشوفي ياقمر طالما إنك في جده حدلك علي دكتوره مافي بعد كده هي العياده البيطريه الأوروبيه

الدكتوره مافي غيرها هولنديه إسمها ديزي

تعطيها البسه الساعه 9 الصباح تاخديها الساعه 5 العصر وهي فايقه وطبيعيه

حتي مكان العمليه إن كانت بنت ماتشيل إلا شعر قليل جداً كأنها البسه طبيعيه

وإن كان ولد طبعاً أصلاً ماتشيل شعر

يعني أنا أعطيتها كلب من فتره بسيطه أخدته الساعه 9 الصباح رجع البيت

ماشاء الله لاقوة إلا بالله الساعه 12 الظهر

طبعاً رجع يلعب وينطنط ولافيه إلا العافيه

البسه 500 ريال وبإذن الله حتشوفي كيف ممتازه وإلي يعجبك فيها الدكتوره إنها حنونه

مع إن مظهرها غير كده وتعطي البنج علي قد العمليه

ريحتني من الفيفا والبلاوي إلي كانوا يعملوها

مره أعطيتهم بس وحسبي الله علي شيطانهم, يومين البس مبنج ودايخ وإستفراغ

وهو ولد يعني المفروض ماتحسي إنك أصلاً عملتي حاجه.

وطبعاً تاني يوم إبر أنتي بيوتك والعمليه يعملوها بطرق بدائيه جداً
لكن دي بجد غير غير غير
سامحيني طولت وربي يسعدك