1/ عندي قطه ذكر و انثى انا احبهم وكذا لكن امي فيها الربو ومره مره اتملى البيت من شعرهم يعني حتى لما نطلع عباياتنا كلها شعر حتى اللبس كل شيء بالبيت امتلى شعر مادري وش اسوي , مرات احط الاستشوار ع البارد واهف عليهم لكن نفس الشيء الشعر يتطاير لما يتمشوا بالبيت , وامي تقول لو استمر الوضع كذا راح نصرفهم ولا نبيعهم ممكن تعطوني حلول ؟
وهل كل القطط يتطاير شعرها وينزل ولا لا ؟
امممممم
الانثى اذا كانت حامل عادي مره اما اذا ماكانت حامل مدري
بس اذا كان شعرهم طويل هم كذا ينزلون شعر اكثر من القصير
واهتمي بالنظافه وما تعطيهم اكل نيء
2/ انا بالرياض وكل مارحت لطبيب بيطري ابي اكشف على قططي وكذا ولا لأي شيء وكل ماكشف عليهم يقولي بـ200 وبعدها يقول مافيها شيء ولا زي كذا ويقول الـ 200 حقت الكشف بس , صراحه شغله كل مره نروح يقول كشف 200 بس غير الأدويه وكذا مره كان عندي قطه صغيره اخذ عليها 400 وكانت مريضه والمفروض تجلس عندهم 3 ايام علاج ولكنها اليوم الثاني ماتت وبس قال مافي ترجيع فلوس ماتت هي من نفسها ! مين يدلني على طبيب بيطري كويس واسعاره معقوله ؟
لا اختي هو فيه غالي بس فيه ارخص من كذا
فيه محل بـسوق الحمام اللي عند العزيزيه اسمه ...نسيته والله بس الدكتور الللي فيه سوداني
التطعيم عنده 60 والكشف عنده ب20...
3/ هل القطط ماتجيب عقم مثلآ ؟ لأني صراحه احبهم ومخليتهم عندي واربيهم وكذا لكن مره مره خايفه لما اتذكر هالشيء وخصوصآ كل من جاء وراح وشافها عندنا يقولون ليه ماتشيلونها ترى تجيب العقم هل هالكلام صحيح ؟
اختي القطط ماتجيب العقم ...
انما مدري ايش تسوي بالمرأه الحامل اذا نظفت الليتر بوكس..<<صندوق الفضلات...اكرمك الله
واللي مو حامل عاااادي ولا فيها اي شي ؟؟؟!!!...!!!...؟؟؟...!!!!!!...؟؟
4/ القطط هل عادي تاكل الرز أو البطاطس المسلوقه أو المكرونه ولا تأثر عليها ؟
البطاطس المسلوقه احسن شي للقطط
اما الرز الله اعلم لانه حاولت اعطيه للبسس حقوني بس ما يبغوه
هعهع
وحطي بالقطاره زيت زيتو 3 قطرات معه وهو شعرهم بيقوى وبيقل التساقط
اتمنى اني اكون افدتك