[أمورهـ]

السلام عليكم

اهليين فيكم جميعا .......,

بغيت اسألكم كم سؤال والله يوفق اللي يرد علي

1/ عندي قطه ذكر و انثى انا احبهم وكذا لكن امي فيها الربو ومره مره اتملى البيت من شعرهم يعني حتى لما نطلع عباياتنا كلها شعر حتى اللبس كل شيء بالبيت امتلى شعر مادري وش اسوي , مرات احط الاستشوار ع البارد واهف عليهم لكن نفس الشيء الشعر يتطاير لما يتمشوا بالبيت , وامي تقول لو استمر الوضع كذا راح نصرفهم ولا نبيعهم ممكن تعطوني حلول ؟
وهل كل القطط يتطاير شعرها وينزل ولا لا ؟
:

2/ انا بالرياض وكل مارحت لطبيب بيطري ابي اكشف على قططي وكذا ولا لأي شيء وكل ماكشف عليهم يقولي بـ200 وبعدها يقول مافيها شيء ولا زي كذا ويقول الـ 200 حقت الكشف بس , صراحه شغله كل مره نروح يقول كشف 200 بس غير الأدويه وكذا مره كان عندي قطه صغيره اخذ عليها 400 وكانت مريضه والمفروض تجلس عندهم 3 ايام علاج ولكنها اليوم الثاني ماتت وبس قال مافي ترجيع فلوس ماتت هي من نفسها ! مين يدلني على طبيب بيطري كويس واسعاره معقوله ؟

:

3/ هل القطط ماتجيب عقم مثلآ ؟ لأني صراحه احبهم ومخليتهم عندي واربيهم وكذا لكن مره مره خايفه لما اتذكر هالشيء وخصوصآ كل من جاء وراح وشافها عندنا يقولون ليه ماتشيلونها ترى تجيب العقم هل هالكلام صحيح ؟

:

4/ القطط هل عادي تاكل الرز أو البطاطس المسلوقه أو المكرونه ولا تأثر عليها ؟



:

وكل الششكر لكم وخاااصه للي بيرد علي :>

^__^
كمساميدآ