[الصولجان]

السلام عليكم ورحمة الله وبركاته

انا حبيت اكتب هذا الموضوع لأني اعرف ان كثير من الناس يشتري قطو بس ما يعرف وش يسوي له

متطلبات القطو كالتالي

1-تشتري له مكان حق نوم ==> قفص تحصله عندنا بالسعودية قيمته 85 الحجم الوسط وهذا مهمته انه اذا بغيت تودي القطو للبيطري ماتعتفس او مكان نوم لها ===> مع الوقت انشالله تجلس فيه

2-صحون حقت اكل تحصلها قيمتها خمس ريال الصغيره تحصل فيها فتحتين وانا انصح ان الواحد يشتري حبتين

3-منشفة عشان تحطها تحت البيت حقها عشان يخليها تحس بالدفء

4-زي الحوض الصغير حق التواليت تحصل قيمته 15 ريال مع جاروف ==> 15 ريال مريح جدا

5-الأكل انا احط لقطوتي كيتن يقولي البيطري هذا افضل شئ مع ماء 35 ريال عندنا

6-الرمل الصحي او الصناعي هذا جدا مريح وانا انصح بقووووه فيه لأنه الريحة بصراحة ماتشمها وسهل الاستخدام بحيث اذا تبول القط اكرمكم الله يتجمع ككتلة واحده يسهل ازالتها ولا يجمع البيكتريا الضارة ولا الذباب حوليه 35 ريال

7-الفرشاة 15ريال

8-السوار أو العقد انا في نظري انه اهم شئ لأن بصراحة بدونه ماتحس بحركات القطو ===> أكثر من مره بغيت ادعسه لأنه يخش تحت رجولي وما احس فيه السعر 30 ريال

9-الشمبو انلطخت فيه قالي الدكتور ممتاز ومدري وشو ويوم جيت عند الحساب الا وطلع قيمته 65 ريال===> دفعت ونا ساكت فأنا انصح الناس انهم ياخذون بيبي جونسن حق الأطفال
هذي كم صورة للأ غراض





أول أيامك مع القطو في احتمالات انه يبخ عليك زي الثعبان يعني يسوي لك بخخخخ وهذا طبيعي من واقع اللي شفته كلها يومين ولا اسبوع بالكثير وانشالله القطو يولف عليك بس انت كور ورق لها وحاول تمسد على ظهرها مشطها حاول تحطها بحضنك وانشالله كلها اسبوع او اسبوعين بالكثير وبتسير لاصقه لك يعني تسير ماتبي تفكك انا في البداية كانت تنام ورى الثلاجة وكانت تتخبا في المكتبه بس طبيعي مع الوقت والتعويد على طول تسير ماتبي تنام الا معك على السرير ======> هذا الكلام يعني اشكر اخوي القطو لأنه هو اللي علمني عليه وهو اللي قالي اياه
اخواني التطعيمات مهمة قيمة التتطعيمه 35 ريال الى 40 ريال
الشهادة الصحية قيمتها على حسب يعني من 50 ريال وما تتعدى مية ريال
بخصوص السفر توديها للبيطري يسوي لها فحص ويكتب انها سليمة بعدين تسفرها معك
عملية نزع الأظافر سويتها قيمتها 120 ريال بس يقول زاد قمية المخدر وزاد علي الحسبة خلها 160 ريال
بس هذا كل اللي عندي عن القطط

واتمنى اني ماطولت عليكم وأي استفسار انا حاضر واخواني في المتندى حاضرين
ملاحضة هذا الكلام انا كاتبه وليس منقول
اللي يبي ينقله يكتب المصدر تو زو