[مهووس الحيوانات]

السلام عليكم ورحمة الله وبركاته


أرجو انكم تعطوني وجه وما تطنشوني ..

بما ان الخبراء والمجربين هنا ماشالله موجودين ، حبيت أسأل كم سؤال عن الهمستر لأني ناوي أشتري ، رغم انه كان عندي اثنين بس زمااان ..

والي عنده جواب أي سؤال يجاوب عادي مو لازم واحد يجاوب كل الاسئلة ، يعني حبيت اجمع معلومات

س1/ كم تجي أسعار الهمستر الروسي/السوري في الشرقية ووين احسن محلات؟

س2/ كم تجي اسعار الاقفاص الصغيرة الي فيها العاب وانابيب ؟

س3/ هل فيه انواع اكل تنصحوني ولاّ عادي أي شي ؟

س4/ اشتري واحد ولاّ ثنين ؟

س5/ كيف اعرف ذكر من انثى؟

س6/ كيف اتخلص من الريحة (لو فيه) ؟

س7/ اشتري روسي ولاّ سوري؟

س8/ هل ينفع اخليه معي معظم الوقت وإذا ماتفرغت احطه بالقفص؟

س9/ ليه بعض المحلات يبيع همسترات اليفة وبعضها يبيع متوحشة ، وكيف اخليه اليف؟

س10/ كيف اخلّي الاهل يوافقون ؟ لأن الوالد يقول ما بتعتني فيهم والوالدة تقول ريحة ولا يدخل البيت (هذي أكبر مشكلة ان الاهل يرفضون) ..


وزي ماقلت الي عنده جواب اي سؤال أو نصيحة لايبخل علينا ، حتى لو مايعرف الاّ جواب سؤال واحد ..


وراح اكون شاكر لكم جدًّا جدًّا ، والله يجزاكم خير ومبروك الاجازة (للي أجزو بس احنا الاثنين الجاي)