[عاشقة_فرفورة]

السلام عليكم ورحمة الله وبركاته،،،

أعضاااااااء منتداي العزيز ارجو المسااااعدة اليوم بس اكتشفت انه فرفورة ماتبول الله يعزكم جميعا بالمكان الخاص لهالسوالف بالصدفة اليوم يالسة ارقدها عريولي وامسحها ولاول مرة بالت علي وهني انا حرجت من هالتصرف وقررت اعاقبها للتاديب وعسب تتعلم انه تصرفها كان غلط وانه انا زعلت منها فشليتها من حظني ونازعتها بالكلام وقلت لها لا وغلط وانا زعلانة وشليتها وحطيتها بقفصها اللي مادخلته من يت عندي دوم مخليتها حرة بالبيت ولها غرفة خاصة فيها وحطيتها لازل مرة كعقاب بالقفص وهالكلام من 10 دقايق بس عاد هي تمت اتماااااااااوي بلا توقف وتحاول بكل قوتها انها تفتح الباب مال القفص وابدت عدوانية شوي وهي تحاول بلا فائدة وخليتها اتماااااوي بس بيني وبينكم انا سرت الغرفة الثانية اصيييييييح ماستحمل ابا اظهرها واخاف تتعود لو ماعلمتها وان عاقبتها بالحبس لفترة تغمضني وابا اظهرها بس ماسكة نفسي واتساءل هل هي جي استوعبت انها غلطت؟؟
وهل بتكرهني لاني عاقبتها جي؟ او بتخاف مني ؟
وهل اللي سويته صح او لا؟
وماطرق العقاب اللاجسدي طبعا غير الحبس؟
وما المدة اللي لازم اخليها محبوسة هل ربع ساعة كافية ؟ وهل يصير احبسها بفترة العقاب لكن ايلس يمها او الافضل اتركها كلية ؟

ارجوووووووا من الكل دون استثناء وخاصة ذوي الخبرة والتجارب الحقيقية اللي مارسوها مع عشرتهم للقطط وما افضل الوسائل ؟ وشكرا

عاشقة فرفورتي المسكينة