|
رد: يوميات ببغائي الكاسكو (ويلي)
بسم الله الرحمن الرحيم
السلام عليكم ورحمة الله وبركاته
اليوم مافي تطورات كثيره
طبعاً طلعت ويلي الصباح ياخذ حمام شمسي بعدها طبعاً قبل ما يدخل لازم الدش وحطيته في مكان دافي وجلست انظف مكانه والطاوله
وفكرت اني انقله مكان ثاني ويكون داخل الغرفه في زاويه مافيها تكييف تقريبا
قمت ونظفت الطاوله وحطيته في الزاويه ولمى نشف حطيته بالزاويه عشان يصير قدامي 24 ساعه وتقوى اواصل الثقه بيني وبينه
وعشان اشوفه وهو ياكل 
تقريباً اهو مرتاح بالمكان الي هو فيه خاصه انه لمى الناس تدخل وتطلع ماحد يجي جنبه
بعدين لمى ريح شوي ورتب الريش قمت وجلست جنبه شوي ومديت يدي اول الامر صار يجعر بعدين خليتها ثابته لين يتعود عليها ومع الوقت صرت المس ريشه زي ما كنت المسه بالقفاز والعصى وهذا تطور كبير طبعاً الحين جالس اعوده على يدي قريبه منه بدون تجعير
هذي تقريبا التطورات الجديده بس لاحظت حركات على الببغاء تحس انه صدق ذكي
لمى يصير جوعان يجي تشوف عيونه يالله يفتحها تحس انه يبي ينام بعدين لمى اقفل اللمبات وابيه ينام ما اسمع الا اكل
يلعب علي عشان ياكل
بالاخير اشكركم على المتابعه واذا فيه اي نصيحه ياريت تفيدوني
|