[سكر]

المشاركة الأصلية كتبت بواسطة lasiaf

اخوي سكر والله اجبرتني على اني اسجل في المنتدى عشان اشكرك على هالموضوع الغير طبيعي.

صارلي فتره طويله وانا ادور موضوع يساعدني ويسهل علي ترويض الكاسكو والحمد لله اني لقيت هالموضوع .

انا عندي كاسكو صارله شهرين معي واذا ماعليك امر عندي بعض الاستفسارات :-
1ـ الكاسكو عمره 9 شهور تقريبا فهل هذا راح ياثر على ترويضه وكم الفتره اللي احتاجه عشان يكون اليف .
2ـ لاحظت في الفيديو الاول اذا مسكت الكاسكو من رجله كيف تكون وضعيه الرجل هل اضغط عليها او احطها بين الاصابع.
3ـ الكاسكو ماياكل الا شماسي وفول سوداني كل ماحطيتله فاكهه تقعد عنده يوم كامل ولا ياكلها واحيانا يتخوف منها
وانا ودي انه ينوع في الاكل بس للاسف مو راضي ياكل وش الحل الانسب في رايك عشان يتقبل الاكل.

مشكووووور والله يعطيك الف عافيه وعذراَعلى الاطاله... اخوك : فيصل

حياك الله أخي فيصل,,, وشرفتنا بتسجيلك,, وشرفتني شخصياً بردك علي في موضوعي

وزادني فخر اني أكون سبب في تسجيلك في منتدانا الرائع,,,

بالنسبة لأسئلتك,, لو أختبر في مادة سلوك المستهلك أسهل

السؤال الأول, ما يهم العمر,, المهم درجة الألفة, إذا كان يجعر كل ما شاف البشر من بعيد ومن قريب,, طبق الطريقة اللي في هذا الموضوع, أما إذا كان تجعيره نادر أو اذا قربت منه بشكل كبير جداً,, فما أنصح بطريقتي أبداً,, بل اتركه للوقت,, اللي اذا طال يكون شهر بشرط المداومة اليومية والتكرار المكثف,,,

بالنسبة لسؤالك الثاني, امسك اصابعه بأصابعك حتى ما يهرب,, أو ثبتها بأي طريقة لطيفة,, المقصود التثبيت فقط,, وانت تقدر تثبته بأي طريقة تشوفها مناسبة,,

سؤالك الثالث, الكاسكو يخاف من الحجم,, لو تجيب له كاسكو ثاني حجمه قد الباب بيخاف,,
الفاكهه قطعها وخليها بحجم حبة الحب الشمسي,, وارميها فوق الأكل المعتاد,,

خلي كمية الفاكهة قليل في البداية,, يعني تكفي 10 قطع تفاح, كل قطعه مثل حجم حبة الشمسي,, ترميها فوق الحب الشمسي وتتركه يحاول يتعلم, بتلاحظ انه يحاول يتفاداها في البداية بس لابد يذوقها ويستطعمها,,,

أعذرني على التقصير والتأخير,,, وعلى قلة معلوماتي,,

تحياتي