[عروس الجليل]

أحسن لو كان صوره للسلحفاة..
بس من وصفك لحجمها بظنها انها من نوع السلاحف الصحراويه, لونها بيميل للاصفر وحجمها مش اكتر من 13 سم..
مبين انو السلحفاة كان مخصبها ذكر ئبل لتشتروها انتو, من هيكا باضت عندكو بدون الذكر!
بس الطبيعي بيئول انو السلحفاه تحفر حفرة وتبيض فيها وبعدين تغطي البيض, وعندكو السلحفاه ما كان معها مجال انها تحفر - اكيد انها حاولت تعمل حركات بأطرافهاا الخلفيه لتحفر بس انتو ما لاحظتو - فباضت عالارض بيضه دائريه صغيره شي 3 سم وما الها راس متل بيضة الدجاجه!!
عم بتئولي انها باضت البيضه وتجاهلتها, هادا لانو السلحفاة بتترك بيضها بعد متبيضو,
وعادي انك توخدي البيضه وتحفريلها حفره عمقها 5-8 سم بالتراب او الرمل وتغطيها, وحتى لو دفنتيها للبيضه بنفس الحوض مع امها او بمحل تاني بعيد بالمره هي ما رح تعرفها لمن تفئس لانو السلاحف مستقله وما بتحتاج لحدا من طرفها!