[ألأصيل]

السلام عليكم,

أول أمس قريت في احدى المشاركات أخ يستفسر كيف يعرف كم كلمه يعرفها طيره وكيف؟

شرت عليه بطريقه/فكره جت على بالي بس ما كنت مجربها للأمانه وانا قلت هذا الشي للأخ الحبيب بس قلت ضروري إني اجربها ويا للعجب هههههه:

الطريقه سهله جدا:

تقعد مع طيرك وتكلمه وتلاعبه وتوكله من يدك شوية حب او بيض او موز او اي شي يحبه.

بالعاده الطير يصفر ويمكن يقول كلمه هني وكلمه هناك, بس انت خله على القفص ولا الستاند واطلع من الغرفه وخل جوالك قريب منه على وضع تسجيل الصوت, هو راح ينجن لانك تركته ويطلع كل اللي في بطنه في محاولة نداءك, وجوالك طبعا يسجل كل شي.

ممكن تكررها ولو فيه صوت بالخلفيه مثل موسيقى او آلة هذا حيحثه يتكلم أكثر.

انا علمته كلمات واجد واحيانا يقولها واحيانا يوم ابيه يقولها ما يقولها, أمس صااااادووووووه ههههه وسمعت كل شي يقوله ما شاء الله وهو أصلا للحين فرخ:

ألووووو-هاااااي-أموووووووواه-وااااااو-كوكو-هااالللو كووووكوووو-ميااااووو-بااااتوووو-ويصفر باصوات حلوه مثل تصفير الغزل.

أفضل الاوقات قبل المغرب جربها وشوف طيرك وش يعرف؟ وبنفس الوقت تحثه على التدريب ومذاكرة الكلمات اللي علمتهم اياه.

هذا والله اعلم.