[7mamah]

المشاركة الأصلية كتبت بواسطة كاسكـــو

من أمس ألاحظ على درتي انها طول الوقت نافشه ريشه

شو يعني هذا الشي

هل هي بردانه او مريضه ؟؟؟

والله كل الاحتمالين وارده لكن بالملاحظه والعنايه راح تعرفين اي من السببين

هل اللمبه مضره لها او لا مع العلم انه البيطري نصحني بها

اللمبه للبرد مفيده للتدفيه مافيها ضرر بس ماتكون قويه
والافضل نشتري لمبه صغيره خط 220 ونشغلها على خط 110 كذا ماتحترق وتكون خفيفه

وهي عندي من اسبوع تقريبا لكنها تخاف مني كثييير ويالله يالله تقرب علشان الاكل مع اني

اللي اعرفه انه الفرخ يحب اللي يطعمه وما يخاف منه

والله هذا المعروف الفرخ يتعلق بصاحبه اللي يطعمه لكن .... ماصار لها شي منك سبب لها مضايقه مثلاً

وفيه احتمال ثاني لكن مدري مو متأكد وهو انها مأخوذه
من تحت امها ومعروضه للبيع على طول بدون ماتتعود على البشر

وبعد مشكلتها ما تطلع صوت بس صوت خفيف مثل صوت القطوه ويالله يالله ينسمع الدره الثانيه اللي ماتت كانت تصدر صوت عالي لما تجوع ولما تشوف اي شخص

هذي بس تتخبا

هو فيه سبب دام تتخباأ شي مضايقها او مخوفها او موجعها او غير متعوده

الله اعلم

اللمبه اللي عندي على طول تشتغل انا ما اقدر احدد اي خط ولكنها بعيده عنها متر تقريبا

لا هي يوم اشتريتها كانت متعوده على البشر واناا احاول اني ما المسها يوم شفتها تخاف علشان ما تخاف اكثر بس مرات اشيلها لكنها تتقبض بقوة وانا لازم اشيلها علشان اطعمها بس الحين اخليها فالقفص وادخل ايدي واطعمها ما اشيلها من مكانها

وهي ما تلعب وتتحرك الا بالليل يوم اكون نايمه ولما تشوفني تثبت

مرات تصحيني بصوت جناحاتها ترفرف بقوة وتقفز من على الخشبه اللي حاطتها لها مع ان الخشبه وااطيه مرره ولاصقه مع الارضيه

هل هي تحاول انها تطير ؟؟

مب بعدها صغيره على الطيران ؟؟ ما كملت الشهرين

وجرحتني كثيير بأظافرها هل يصير اني اقصهم وهي بهالعمر؟؟

هذي قصة حياة مب اسئله والا استفسارات هههههه

السموحه

وتسلم على ردك الطيب

جزاك الله كل خير