[ألأصيل]

المشاركة الأصلية كتبت بواسطة كاسكـــو

والله انا طريقتي مع الببغاء الوحشي

امسكه واحطه بحضني واقعد امسح عليه نص ساعه مره او مرتين باليوم حسب ماكون فاضي

تعتبر من الطرق اللي فيها صعوبه من تحمل الازعاج والعض من الببغاء

لكن ماكون شديد عليه لا اقعد امسح عليه على راسه وظهره

خلال اسبوع كذا اطلع بنتائج حلوه نوعاً ما ...... تخف الجعره ويصير هادي

لكن عشان اطلع بنتائج ممتازه يعني ببغاء اليف 200 بالميه

والله اخذ لي فتره من شهرين الى 4 شهور على حسب

والنتائج خلال هالشهور

ببغاء اليف مره
ناسي شي اسمه جعره ولاعاد يذكرها
يطلع على اليد بالأمر
يلعب معك ويلحقك
عنده كم كلمه
اليف مع الكل
يصير اجتماعي ويحب الناس

ونصيحتي لأي هاوي مبتدي

اقول له حط ببالك اذا تبي ببغاء على كيف كيفك

اصبر عليه ولاتستعجل الموضوع يبي له كم شهر

وهذي من واقع تجربتي

كاسكو : صح لسانك

مثل ما قلت بالحرف المسأله يبيلها الصبر بس . أما اللي ينصح بالمعامله الخشنه فلا احبذ هذي الطريقه لانها دوم بتم ببال الطير وان ما ظهرت نتايجها في باديء الامر الا بتظهر عقب وعلى سبيل المثال لا الحصر:

تظنون ليش معظم الببغاوات تنجن ويطير عقلها يوم تشوف يدك ولا الاكثر لما تشوفك لابز قفاز؟ لانك تذكرها بالمعامله الخشنه يوم ما صادوها بالجنقل او بالتجار اللي يهمهم المكسب ويبيعك الطير وبس.

هذا رأيي والله أعلم.