|
رد: (( سؤال بسيط .. ممكن تفيدوني ؟ ))
التفرقه بين الانتى و الدكر مرا سهله
و الدكر الزعنفه الشرجيه على شكل انبوب
و دي صوره
الدكر الي تحت و الانتى الي فوق
وتفريخها انك تحط انتى مع دكر
و احسن شي انك تحط انتتين
او 3 انات مع دكر واحد و الباقي عليهم
و لمن تشوف بطن الانتى على شكل مربع
اعزلها لحالها عشان تولد و ادا ما عرفت كيف
المربع تلاقي بداية بطنها على شكل زاويه مو
ميقوسه و لمن يجو العيال اعزلهم الين ما يسير
حجمهم اكبر من حجم فم الي عندك و
يبلغ الدكر و الانتى في سن 4 اشهر و
ياخد البيض في بطن الانتى من 23 الى 35
تقريباً و تاكل الاولاد اكل الكبار بس تطحنو على شكل بودره
و كل ما كان عمر الانتى سنه و نص كل ما كان احسن
لنو حتجيب لك بسرعه كبيره الاولاد و كتيره
عدد الاولاد من 20 الى 80 على حسب حجم بطن الانتى
و ادا كنت تبى تحط معها سمك تاني
حط الاسماك الولوده الي همه
جوبي بلاتي سولديتر اي نوع او نيون تيترا
يطلع الحوض حلو مرا و حط كات فيش صغير في الحوض
و يحب الزرع الكتيف
و حاول لا تكتر الدكور في الحوض لنو حيضاربوا
و لنك لي موضوع ما عندي دحين عشان كدا طولت الرد ^^
و دور في المنتدى اكيد
تلاقي و ترى سمكة المولي سمكة حلوا و سهله
و كويسه للمبتدئين مرا و تستحمل
و ان شاء الله اكون افدتك
|