[عاشقة الطيور]

وعليكم السلام ورحمة الله وبركاته

ياهلا ومرحبا فيج اختي .. ان شاءالله تستفيدين وتفيدين

اختي ممكن تحطين لنه جم صوره له وصورة واضحه لعيونه

شي طيب انج تحطينه مع العايله عشان يتأقلم في وقت اسرع ان شاءالله... اختي اهو للحين ماتأقلم ويمكن يسوي جذي عشان يخوفج واظن الي يسويه شي طبيعي لان يعتبر ان القفص شي ملكه وغريزيا اهم يدافعون عن اماكنهم

اختي الطير اظن توه يديد والبيئه يديده عليه فمن جذي ماتعود على المكان.. في البدايه لازم يكون هادء وبتلاحظين عليه طول يبي يكتشف ومن اسوين اي حركه يكون مراقبج .. يعني مثلا احين انتي دخلتي مدرسه يديده شي طبيعي في اول اسبوع مابتتعودين على البنات لكن بعدين شوي شوي بتتعودين

وانصحج تحطين له العاب بالقفص عشان مايتملل وعن نفش الريش اهو يبي يخوفج ويحذرج بس انتي لتخافين .. وعن تصفيف الريش كل الطيور تحب النظافه والترتيب من جذي بجوفينه اكثر شي يصفف ريشه

ماشاءالله عليج خليتيه ياكل من يدج وهذي شي ممتاز عشان تزيدين الثقه وواصلي

وياريت لو تاخذين فره على المواضيع المثبته لانها بتفيدج واايد بأذن الله

واي استفسار احنه بالخدمه