|
رد: عندي إستفسآرين اخواني [ تكآثر الثعآبين ] + [ فتح محل للحيوانات والزواحف ]
اخوي
حبه .. حبه.. ياكلك .. حب البرشومي.. ياكلك
ياخي اهدى اصبر ركز طل في عيني
الشغله مهي شغله شرب شربه
انا عشان اشتري زوج هامستر
والله قعدت اكثر من شهر اقرا عن الهامسترات
لين ماصار كل تفكيري هامستر
صرت اعرف كل شئ عنه
دحين انا عندي هامسترات كثيره واعرف مين المريض ومين العصبي
هذا كلو بالقرايه والخبره
انتا تبغى محل للهو والمتعه او تبغى محل عشان تكسب فلوس
او عشان الهوايه والمتعه والفلوس والشهره
اعتقد انو الجواب الاخير
اخويا ببساطه اقرا عن الحيوانات اللي تبيعها
حتسالني ليش
حقلك انك حتكون تعرف تهتم فيهم بالمحل وحيكونو بصحه حلوه فاي زبون حيجي حيشتري من غير تردد
اما اذا ماكنت تعرف على بعض الحيوانات وحتبيعم حتخسر
لانو امكن حتموت في المحل من سوء وعدم الخبره في الحيوان نفسه..
وعشان لايتنصب عليك ...
اخويا الكلام طويل
عندي اقتراح..
ولا اقلك خذ هذي النصايح المدروسه مني
1_تاجيل فتح المحل حتى وصول الخبره الى اخر شعره من راسك لين ماتكون مكتبه حيوان.
2_تختار حيوان معين مثلا نقول الهامسترات تبدا تهتم بالهامستر لشهر كامل ويكون الاهتمام بالتالي:
القراءه عنه في المنتديات ومعرفه الاسعار والانواع والالوان وطريقه التزاوج.. الخ و
اخذ زوج من الهامستر السوري وزوج من الروسي وتضعهم بقفص وتجربه تربيتهم حتى خلاص تكون عارف كل شئ عنهم وكذا.
3_مثلا عصفور الحب اقرا عنه وسوي نفس الطريقه مع الهامسترات
حتلاقي نفسك بعد مده مستعد مو تفتح محل حيوانات مستعد تفتح غابه حيوانات من الخبره
ومحتحتاج تسال اي احد في المنتدى. .
4_قبل فتح المحل لازم تسوي دعايات في المنتدى وهذي للشهره يعني تقلي اهلك يقولو لاصحابهم
واصحابهم يقولو لاصحابهم الين ماينشهر المحل وهوا مافتح.
5_الموقع او المكان اللي حيتم فيه فتح الحيوان: في سوق تجاري( ماانصحك) في سوق مثل مجمع الشرق
او سوق الشاطئ او سوق الخيمه هذي الاسواق المفتوحه او في مكان عادي في شارع عادي
انتا عاد شوف ايش المكان اللي يناسب اللي يكون المحل كبير ورخيص شويه.
6_والله انا ابغى اشتريه زوج سمك مع حوض والله ليه اكثر من شهرين وانا اعبي راسي
ولسا اقول مني عارف شئ لاني اخاف اكون اهبل مااعرف ايش يسو ولا ايش يبغو ولا
مريضين ولا ايش.
7_والله عجبتني فكره التزاوج في المحل يعني انك ماتحتاج تشتري حيوانات من بره
انتا اللي تزاوجهم وهذي طريقه اشجعك عليها بس صدقني صعبه
لانو في بعص الحيوانات ماتقدر تولد وهي في ضجه المحل يعني انصحك تسوي
غرفه في البيت او غرفه في المحل خاصه بالحيوانات اللي تبغاهم يتزوجو تكون
غرفه بقمه الهدوء تكون حاط فيها ازواج من الهامسترات طبعا كل زوج في قفص
وعاد انتا وطريقتك.
8_ وعجبتني فكره احواص واقفاص الحيوانات لانو نادرا ماتلاقيها
يعني مثلا احواص سلاحف مائيه وبرمائيه هذي انا ملقيت منها في السوق
انتا ممكن تسويها وتحط كم عشبه ولمبه وتبيع الواحدبـ...( على حسب السوق)
9_الحصريه؛ اي تكون عندك اشياء مهي موجوده الا في محلك
يعني تبيع ضفادع وحيوانات غريبه حتى تكون مرجع جدة للحيوانات
يعني مثلا واحد يقول ابغى اشتري سنجاب على طول اللي جمبه يقول روح محل فلان اللي هوا محلك
لانك حتكون اشتهرت بكثره الانواع اللي تبيعها..!!!
اخوي في الاخير المحل مهو بقاله او كفتريا محل الحيوانات ممكن بغلط يموتو جميع الحيوانات
يعني غلطه يروح كل حيواناتك.
على العمووم انتا حر والقرار قرارك.
وانا يدي صار فيها شد عضلي من الكتابه هههههههههههه
على العموووم سلام
__________________
التوقيع مخالف
|