[سكر]

يقولك الحب أعمى

الأخوان اجتهدو لكن باب الاحتمالات واسع جداً

المهم الحين انه يحبك, والأهم اننا نقدر نخليه يكرهنا أو يحبنا على حسب تعاملنا وعلى حسب الضروف.

أما العض, هذا اسمه دلع, لو يبغى يعضك بجد ما بتلاقي مكان تحطي فيه الدبلة

لكن هذا اسمه لعب بالنسبة له, يحب يجرب يمسك اصباعك مثلاً بمنقارة بس مشكلتك انتي تسحبي يدك بسرعة, وهذا يخليه يشد عليه عشان ما تفلت يدك منه.

مثل الطفل لما يلعب بلعبته يكون يلعب فيها بشويش لكن اذا شافك تحاولي تسحبيها منه يشد عليها وممكن تنقطع بسبب الشد بينك وبينه.
طريقتي اللي اعملها في هذي الحالة اني ما اسحب يدي, لكني امسك منقاره بأصاعي وأشد عليه كأني أمسح خشمه من الزكام

بعد فترة ينبسط مرة من هذي الحركة, لكن في البداية تحملي شوي حتى يفهم ويتعود.

على العموم تقدري تدهني اصباعك بعسل وتقربيه من فمه, بيحاول يعضك بس ما بتحسي بأي ألم لأن عضته بتكون خفيفة جداً, لا تسحبي يدك لمده ثواني وبعدين شيليها.
كرري العملية وردي علينا.

أما الشوكلاته, دائماً أقرا كلام كثير انها تسبب التسمم, وفي كل موضوع أرد عليهم وأقول هذي معلومة خاطئة, على الأقل في ببغائي.
أعطيه ولا يقول لا وصحته عال العال.
يمكن تختلف الأنواع أو حسب الأعمار, الله أعلم.
وتقدري تستغلي الشوكلاته في تدريبه على عدم العض, انك تكسري كسرة صغيرة جداً وتخليها تعلق على راس اصباعك وتمديه للببغاء, هو بيلمس اصباعك بلسانه أكثر من مرة وبعدين بيتعلم يسحبها بدون ما يعضك.

انتظر ردك بعد التجربة

تحياتي