ترى الغيني حقي على كتفي ويقرا الموضوع معاي
يقول يبي يكتب والحين بعطيه اليكيبورد
الغيني: وشفيكم على الغيني انت وياه؟؟ دام اني مو عاجبكم ليش تستوردوني من دول بعيدة وتصيدوني من افريقيا, هذا غير البهذله عبر البحار والمحيطات, ولما اجي عندكم بس تحشون فيني
شرهتكم على اللي يولف معاكم والا ما يقرط اصابعكم من الابهام للخنصر.
شفت العظم عمرك شفت العظم با بيتكم على الطبيعه انا شفته عض اصبعي و اخليه انا يعض الجدار 
لا بجد يا شباب (طبعا الحين سكر اللي يتكلم بعد ما صك الغيني بالكيبورد وتكرفس تحت الكنبة) الغيني خطير شوي وما بيرحم اذا كان قريب من الثاني بينتف له عينه والا يجرحه
لكن اذا تقصد انه بس يصفر وكل واحد في قفص انصحك انك تخلي الغيني فووووق في مكان عالي معلق
والرمادي تحت في الأرض بحيث يكون تحت الغيني ولا يشوفون بعض لأنهم فوق بعض
مثال للتوضيح: اختر ركن في الغرفة (نفترض انك اخترت الركن الأيمن من الأمام)
اجعل الغيني في أعلى الركن المختار.
واجعل الرمادي في أسفل الركن نفسه.
الهدف من هذي الحركة ان اللي فوق يحب يصفر ويطلع الأصوات اللي عنده
أما اللي تحت يحب يسمع ويسجل الأصوات حالياً وبعدين يصير يصفر بعد فترة
وفي نفس الوقت ما يتشتت انتباه كل واحد فيهم وتاخذه الهواجيس ويشمر عشان يضارب
بس اذا حبيت بعد يومين او ثلاثة اعكس الموضوع وخلي الرمادي فوق والغيني تحت وشوف النتائج.
انتظر ردك بعد التجربة
تحياتي