[سكر]

أخوي هاوي عندي واحد مثله وأغلب هذا النوع يكون مزعج في البداية

خصوصاً التجعير, ويمكن بعد فترة يصير ما يجعر لكن يصرخ صرخة قوية بين وقت الى آخر (مثل صوت القطار لما يسحب بريك )


لكن عليك بالصبر والصبر ثم الصبر

اذا قدرت توقف قدامه كل ما جعر عشان يفهم ان التجعير وسيلة غير مجدية لإبعادك, تكون قطعت نصف الطريق.

بس أهم شي انك ما تدخل يدك عنده هذي الفترة

لازم توزع الأولويات.

نبدأ بالتجعير وبعدين لم نتخلص من هذي النقطة نجي عند اللمس وغيرها من أمور.


فيه طريقة مجربها مع طيري. في حالة ان الطريقة المبدئية اللي قلتها لك ما نفعت ننتقل مباشرة للطريقة الثانية.

بس بشرطين: انك ما تحاول تلعب معاه هذي الفترة ولا تقرب منه أو تجلس معاه
وثاني شرط ان العملية تكون في النهار مو في الليل.
الطريقة كالتالي:

أول شي القفص يكون تحت في الأرض (هذي طريقة خاصة ويمكن تلاقي كثير يعترض عليها)
ويكون في نفس المكان اللي انت تجلس فيه

تبعد عنه وتجلس تطالع فيه

اذا جعر أو صرخ تقوم وتغطيه بقطعة قماش كبيرة وثقيلة نسبياً (زي البطانية الصغيرة) بحيث يصير داخل القفص ظلام.

وترجع مكانك وتبقى هادي وما تصدر أي صوت لفترة حوالي 5 الى 10 دقائق.

بعدها تسحب البطانية بهدوء وحذر وتبعد مكانك (والبطانية معاك) وتبقى هادي مثل أول.

وكل ما جعر تقوم وتعمل نفس الطريقة.

وتجلس خمس دقايق وترجع تشيلها عنه.

الهدف من هذي الحركة انك توصل معلومة للطير انه اذا جعر بيتغطى.

العملية هذي ممكن تاخذ منك حوالي ساعتين الى 6 ساعات.

يعني لازم تصبر وتثابر شوي حتى يهجد

واذا اتبعت كل مافي ردي صدقني بإذن الله تلاقي ببغائك غير من ناحية التجعير بس.



ملاحظة: طيرك ان شاء الله ما بيصير يجعر مثل اول, لكن ممكن يجعر من فترة الى فترة بحسب الضروف اللي يتعرض لها مثل محاولاتك الاقتراب منه وما شابه. يعني ممكن يجعر في اليوم مرة أو مرتين لفترة بسيطة.

فإذا جعر تقوم وتعمل نفس الطريقة لمدة أطول (يعني تخلي البطانية فوق القفص 20 دقيقة مثلا)


أتمنى أكون وصلت لك الفكرة وتقبل تحياتي