|
رد: السـلآآم عـليكـم<-- بالاهـي هذآ عنـوآآن؟!
واولن .. وعليكم السلام 
تانين .. اول حاجه لازم تعرفيها عن القطط .. ان كل قطة تختلف شخصيتها عن التانيه ..
في المشاكسه والمشاغبه واللي تحط تنط وتلعب .. وفي الكسووله الدوبه اللي دايمن نايمه ..
في اللي يحب اكل البيت .. وفي اللي مايطيق يشم ريحتو .. في اللي تحب الشيل وفي اللي ماتبحو ..
يعني بإختصار .. كل قطه وطبعها .. يعني انتي وبختك xD
بس بوجه عام .. القطط حيوانات تحتاااجاهتمام كبير .. وزي ماهيا تعلم الانسان الحنيه
لازم تتعلمي منها المسؤوليه وكيف تفهمي حيوان مايعرف يتكلم .. ولا يعبر
تاني شي لازم تعرفيه وتفكري فيه .. البيت .. واهلك وصحتكم .. هل عندكم احد عندو حساسيه؟! ..
هل في مكان .. لو لاقدر الله لعبت وكسرت شي .. ايش ردت الفعل ..
وكدا يعني
اهم حاجه في الموضوع ان تكون عندك الرغبه انك تشتري قطه عشان القطه نفسها .. وتتحملي مسؤوليتها ومو لما
تطفشي منها ترميها او تبيعيها .. حرام تتعلق فيكي وبعدين ينكسر خاطرها 
المهم .. بالنسبه لالانواع .. هوا على حسب كل واحد يحب شي .. ممكن تشوفي
قطه مرا شنيعه بس غيرك يحبها ..
بس لانك بنووته .. ولسى يعني مادخلتي عالم القطط ولا قربتي منها ..
انا انصحك بالشيرازي -الفارسي او الايراني - لانو شكلو حلو .. واكيييد الشكل راح يفرق معاكي في انك تحبيها
وتتعلقي فيها اكتر ..
يعني بإختصار .. انصحك بالشيرازي كمان .. بس اهم شي تعرفي انو يحتاج عناية بشعرو .. تسريح يومي ..
وتبعدي عنو المأكولات البحريه لانها بتسبب تساقط الشعر .. -بعد وليس منع .. يعني بنسب خفيفه- .. بس للتوضيح ..
مع مرور الوقت وقربك للقطه راح تحبي الاهتمام بها وتسريحها كل يوم
اتمنى الرد يفييدك .. ولو محتاجه صور او اي حاجه Let me know وان شاء الله تستمتعي بتربيتها
وإلى اللقاء ~Pp=
|