[عروس الجليل]

انت ما حطيتي صوره للسلحفاة, بس رح اجاوبك على انها سلحفاة صحراويه..
بس أول جبتلك صورتين لاوضحلك كيف ممكن تميزي هادا النوع من السلاحف:
1. جسم السلحفاة والدرع بيكون لونو فاتح وبيميل للصفره متل لون الرمال, وصفائح درع الظهر بتكون اطرافها محدده بخطوط بنيه او سودا, وما بيكون في بقعه غامقه بنص كل صفيحة.


2. الارجل الامامية عليها 3 صفوف من الحراشف الكبيره القاسيه.
3. بوسط درع البطن عزوج الصفائح الرابعه (العد بيبدا من الراس لتحت- زوج صفائح= صفيحتين بجنب بعضهن) بيكون في بقعتين غامقات لون اسود او بني, على الاغلب بيكونو على شكل متلت اللي راسو بيكون لجهة الذيل.
4. اوئات بيكون كمان في بقعتين على زوج الصفائح التالته, وبيكونو أصغر بكتيييير.
5. اطراف الدرع بيكونو محنيين ورافعين لفوق (متل القبعة).

المشاركة الأصلية كتبت بواسطة milk cat

2- متى يتزاوج هذا النوع من السلاحف؟

بشهر مارس- الربيع.

المشاركة الأصلية كتبت بواسطة milk cat

3- وهل لما احطهم ع بعض يتزاوجون؟؟

يعني انت اللي تحطي الذكر عالانثى ليتزوجو بمزاجك
لألأ, ما رح يتزوجو حتى لو كانو بالغين, التزاوج بيصير بعد طقوس بيعملها الذكر لجذب الانثى, وبينتهي بقبول الانثى التزاوح او رفضو - مزاجي
(يمكن حتى ما رح تلحقي تشوفيهن عبعض لانها شغلة دقايق)

المشاركة الأصلية كتبت بواسطة milk cat

4- وكم تبيض من بيضة تقريبا؟

1-3 بيضات وممكن يكون اكتر من مره بالفصل.

المشاركة الأصلية كتبت بواسطة milk cat

5- وايش ياكلوا الصغار؟

بالصحرا بيوكلو النباتات الموسميه, بس بالمربى بيوكلو النباتات والاوراق الطريه.

المشاركة الأصلية كتبت بواسطة milk cat

6- ومتى تولد البيضات بعد التزاوج؟؟

التزاوج بيصير بالربيع, وبالصيف بيكون وضع البيض (شهر 5-6).

المشاركة الأصلية كتبت بواسطة milk cat

7- وكم يقعدوا بالبيضة على ما تفقس؟؟

3-4 شهور وبيفقسو بالخريف.