[mfarouk27]

ممكن تشوف عروض التبني و تكون حليت نص المشكلة و الباقي عليك يا بطل لازم تقنعه و ممكن كمان لو لقيت حد عارض قطة كويسة للتبني تتفق معاه إنك هاتاخدها لمدة أسبوع مثلاً و لو حصلت أي مشاكل أثناء الأسبوع هاترجعه لكن إذا ما حصلش حاجة أصبحت القطة مسؤليتك أمام الله ثم أمام صاحبها و تفهم والدك الوضع و تقوله إن إذا القطة أسأت التصرف خلال الأسبوع هاترجعها تاني بس إنت بقى خلال الأسبوع لازم (تلصمها) زي ما بنقول في مصر يعني تفضل متابع القطة لإن والدك هايتلكك ليك و للقطة علشان يبرهن لك على صحة موقفه و رأيه لذلك ماتخليهوش يمسك عليك غلطة.
لو إنشاء الله الأمور مشيت كده كلها شهرين تلاته بالكتير و هو نفسه هايتعود على وجودها و يمكن يتعلق بيها كمان(إسأل مجرب).
**ملحوظة هامة:-
إبحث عن أنثى ولا تبحث عن ذكر لإن الذكر لو بالغ ممكن يكون عايز يتجوز و ساعتها هايقرفك و هايعملهالك في كل مكان في البيت (بعض الذكور ممكن تعملها على السرير أصلاً) أما النثى عند طلب التزاوج مقدور عليها شوية مواء و خلاص و برضه وقتها سهل توديها لأي ذكر ليتزوجها و ليكن عن طريق المنتدى.
ربنا يوفقك و تكسب المعركة إنشاءالله و لازم تطمنا وصلت لأيه