[M a Y e D]

السلام عليكم ورحمة الله وبركاته

شخباركم وشعلومكم وشحالكم

بصراحه لكم وحشة واسمحولي على هالغيبه بس الصراحه تعبت من الشغل لاني كنت مضغوط حدي في الدوام وتعبت من الجو كل يوم برد وزكام ، فقلت خلاص مالي قعده في البلاد وقطعت لي تذكره انا والمدام وعلى اقرب مطار مطار دبي طبعا، ورحنا على ماليزيا لمدة اسبوعين فترة راحة واستجمام ... ويا حلاة ماليزيا وحلاة جزيرة لنكاوي ما كان ودي ارد لولا ان الاجازة خلصت

على العموم وانا هناك ما نسيتكم وطبعا ذكرتكم بالصور ويبتلكم صوغه عباره عن صور الطيور في ماليزيا، ويا ويل حالي على طيورهم كل طير احلى من الثاني ... صاحبكم ما بقى حديقة طيور وحيوانات ما راح لها

وهذي الصور ، طبعا نبداء بالزعيم :

الكاسكو







الكوكاتو











المكاو























ببغاوات مختلفة





















هذا ترى نوع من انواع الببغاوات بس نسيت اسمه



الحين عاد شوفوا ملك الغرور .... الطاووس







[COLOR="Green"]ياخذ حمام شمس [/ COLOR]



الحين عاد بنشوف الحمام ويا حلاة حمامهم















شوفوا جمال هالحمامه سبحان الله تقول على راسها شعر مب ريش



هالحمام صار لي معاها موقف كانت طايحه على الممر على بالي مريضة او فيها شي بس لما قربت منها نشت ، وبعدين عرفت انها قاعده تاخذ حمام شمس ، عاد انا خربت عليها حمامها :D







فاصل ونواصل ... منظر من خلف الشلال



طيور مختلفة





هذا النسر حاطين جدامه جاموس قاعد يمزمز فيه لين يوصل الغداء ... بس الجاموس مجرد مجسم :D





هذا الطير كانوا الناس ملتمين عليه ويصورونه ولما شفته قلت مسكين مات
بس طلع ان الاخ ياخذ حمام شمس ، الظاهر الطيور هناك من تشوف الشمس طلعت على طول تنسدح تحتها لانها مب دوم تطلع :D























طبعا هذا غراب بس من نوع الالبينو











وهذا مكان للي يبا يتصور مع الطيور بس كل شي بحسابه



واخيرا اهديكم هذي الزنبقة واتمنى تكون الصور عجبتكم