[تركوازية]

انا عندي شيرازية هادية وااايد لكنها لعوب لو تلاعبينها...اخواني يلاعبونها بالليزر يحطونه على الارض تركض وراه هههههه

لكن عنايتها شوي متعبه لانها كون شعرانية و لازم تحممينها كل اسبوع و تمشطينها يوميا...
...

وعندي قطوة ثانية قريب بتكمل شهرين و مهجنه من جدة شيرازية وجد محلي و اب جارفيلد و طالعه خبال و وايد تحب تلعب ...وتشاوح ويلات بعد ((تفحط )) ههههه...لكنها ما شاء الله ذكية..بسرعه تعلمت على الحمام...واذا جاعت وتبي حليب تلاحقني وان شافتني اخذ مرضعتها و الماي تعرف اني اسوي لها حليب...تقعد عند ريلي و تناقز من الفرح و تدور اني بسوي لها حليب..يا لبي احس فيها بيبي بنتي...طبعا الحليب خاص للقطط من رويال كانين و امكس معاه دراي فود خاص بعد من رويال كانين...وفي صحن ثاني بعد حاطه شوية دراي فود عشان تتعود تعضه مب بس تعتب على اللين و الحليب...

واحممها كل اسبوع بشامبو بودره اصبه عليها و افركها بايدي و بعدين امشطها ما يحتاج ماي...وانظف اذنها و عينها بمحاليل خاصة...

وطبعا ما انسى الفيتامينات و التريتمنت...احط لهم ترتمنت لريحة النفس والاسنان...وفي الاكل احط فيتامينات للشعر..وكلها تلاقينها في محلات الحيوانات الراقية...
..

تتعاملين معاهم كانهم بيبي عيالج ....لو لج خلق وعندج وقت لها كله توكلي و جددي هوايتج..وربي يرزقج بعريس في اسرع وقت و نفرح فيج و تبشرينا بالبيبي