السلام عليكم. يا جماعة أنا اشتريت جوز وز قبل يومين طبعاً كبار.. (نوع الماني على ما أظن) حطيتهم لوحدهم في عشة عرضها 2م وطولها 7م وارتفاعها 1.5م حطيت موية وخبز وعيش التسمين (يسمونه علف تسمين كأنه جريش مجروش مع طحين). المهم ما اشوفه ياكل أبداً .. وبديت أقلق بهالخصوص لأنه أول ما جبتهم كانوا وانتوا بكرامه يوسخون (يذرقون) واجد بعدين الآن توقف نهائي والأكل ما يتغير يعني ما يقل والموية على خفيف.. ولاحظتهم أنهم متخرعين كل ما اقرب من عندهم تصيبهم حالة رعب ( حلوة ذي حالة رعب ) سألت البايع عن أكلهم قال أنه يحط رز مطبوخ وجت (برسيم) . طبعا بيكلف علي أني اعطيهم رز لأنه ما يبطخ عندنا بشكل دائم والجت مشوار اجيبه بشكل متكرر. اليوم حطيت لهم طشت ماء واشوفهم طبوا فيه واستحموا وتنظفو.. لكن الأكل ظل ما تغير. الآن عقب هالهذر وكثر الكلام هل أحد عنده ملاحظات.. الأمر الآخر أفكر احط معهم جوز دجاج وثلاث اجواز حمام هل تنصحون بهالشئ.