|
مسكين انا وحظي نحس
السلام عليكم ورحمة الله
كيفكم شباب وصبابا وجميع اعضاء المنتدى
ادري انكم مستغربين من عنوان الموضوع بس انا حبيت اعبر عن شعوري وحزني وراح اتكلم لكم عن تجربتي مع الكروان
اول تجربة كانت لي اني شريت كروان صغير عمرة ممكن 4 او 6 شهور غير مروض واخذتة ب140 ريال وجبته البيت ونضفته وسبحتة وبدايت اروضة وبعد يومين رحت لمحل وشفت عندة كروانات جديدة توة جايبهم واخذت منه جوز ب220 ريال واخذت لهم قفص كبير وعش ونشارة خشب لاني ناوي افرخ فيهم والوانهم حلوة مثل لون الفراشة وفي يوم كنت طالع من الدوام كان يوم خميس انا كنت مداوم من الساعة 12 في اليل الي الساعة 8 الصباح ( ادري في ناس يقولون وش دخلنا في قصة حياتك انت ودوامك هههههههه) المهم رحت سوق الخميس الي عندنا في الاحساء ولقيت واحد عندة فروخ كروان اثنين قالي الواحد ب150 بس هو كان مستعجل ويبغى يبيع بس كان في واحد منهم انا مابغاة لانه طايح في الماي والجو كان بارد فخفت انه يموت المهم اني اخذتهم ب250 ريال وبعت الطير الي عمرة 6 شهور على الشخص الي شريتة منه ب110 ريال خسارة 30 ريال ههههه ورحت لصيدلية اخذت فيتمينات حق الفروخ عشان مايموتون بس للاسف مات واحد منهم في العصر وبقى الثاني جلس عندي اسبوع وامس مات علي الفرخ الثاني واليوم الصباح مات ذكر الجوز الي عندي خسرت 390 ريال لو اني ماخذ لي جوز جاهز مع بيضهم او عيالهم كان احسن لي بس انا ماستسلمت رحت اليوم واخذت لي ذكر جديد ب115 ريال وماراح استسلم الين افرخ كروان رغم اني متحطم لان حظي مو حلو زغم ان جميع طيوري مالهم غير اسبوعين من شريتهم
اسف على الاطاله بس عشان اعبر عن شعوري وقهري كتبت لكم قصتي ههههههههههه
والي عندة فرخ او فروخ صغار للبيع بسعر مناسب ويكون من الشرقية انا بشتري منه الين يفرخون طيوري
|