[بنت العايلة]

والله شاقول

انا كان عندي همستر (نوني) انثى وفقدتها قبل شهر
تمت معاي تقريبا سنه
في البدايه صارت دبه ونشيطة وايد تاكل
لكن فجاه صارت خاملة وماتاكل وقلت حركتها وضعفت شوي
وبدى بطلع في جسمها نتوءات تحولت الى اورام في كل مكان وماكملت شهرين الا ماتت
مع اني وديتها العياده وفحصوها وعطوها مضاد

لكن عادة الهامستر مايعيش غير سنتين او ثلاث واذا الشخص محظوظ عاشت 4 سنين
مش من كثر الاهتمام ولا قلته بان الهامستر يمرض
لكن نهاية حياتهم جذي
قبل لا تموت تطلع عليها هالاورام وهاي شي طبيعي في حياة الهمستر
انا ما ابي اخرع احد لكن قاعده اقول تجربتي والي صار معاي
عشان محد يتضايق او يفكر ان السبب منه او من انتقال مرض من اي حيوان اخر
السموحة على المداخلة
وشكرا