هلا ولله فيك وحياك الله يا jojo79
أول شي وقبل كل شي اهنيك على هوايتك الجديده وتمنى لك كل التوفيق من كل قلبي وفيه مثل يقول الإنسان يعيش بوجود هواياته , تربية الببغائات تعطي الحياه نوع من النشاط والحيويه والوناسه لك وللبيت بالكلام والتصفير والمنظر الجميل ,,
أنا أتوقع يا جوجو ان طيرك الببغاء الافريقي الرمادي , وزي ماتفضلتي انتي بدايتك كانت ممتازه تعتنين فيه توكليه ترويشك له برضو صحيح مرتين بالاسبوع كافيه هذا كله كلام حلو ...
بالنسبه لسؤالك كيف تبدأي بتدريب طيرك !! أنتي فعلا بديتي من اول ماجبتي طيرك بعنايتك فيه وهذا جزئ كبير من التدريب لاحظي ان طيرك يراقب جميع تصرفاتك ينتبه انو انتي الي بتوكليه وانتي الي تنظفين مكانه وتعتنين فيه ومع الوقت راح يألف وجودك وصوتك ويتعود عليك .
على فرض ياجوجو انه بغينا ننتقل لخطوه ثانيه .. ممكن انك تعطينه قطعه تفاحه او اي نوع من الاكل لاحظتي انتي ان طيرك يحبه في الصباح قبل لاتعطينه وجبته الاساسيه عشان يكون جوعان شوي وممكن يتقبلها منك بشكل اكبر , وحتى لو ما أخذها منك في المره الاولى حاولي مره ثانيه وثالثه ... وهكذا كلميه ونتي تعطينه الاكل كلمه تكون بسيطه مثلا جوجو كلمة سهله يقدر يحفظها بالبدايه ,, التدريب هذا يعطي طيرك ثقه في نفسه وثقه فيك اكثر وبتلاقين حتى صوت الجعير خف عنه هذا اذا ما أختفى نهائيا ..
دايما حاولي انك تتعاملين مع طيرك بكل هدوء يعني لاترتبكين لاحظي انو الحيوانات هذي لها قدره عجيبه انتي تخافين ينعكس على طول على شخصيته ولا تستعجلين على شي يعني تحاولين تركبينه على يدك بالقوه او توكلينه بالقوه لا ما ينفع كذا كل شي يكون بالهداوه ونا أفضل تأجلين الأمور هذي شوي فتره قدام وتسوين الي قلت لك عليه في البدايه ...
الخبره راح تجيك لما انتي تلاحظين طيرك وتراقبين تصرفاته وتحاولين انك تقرين هنا في المنتدى وتسألين اذا في شي ماعرفتيه صدقيني بالطريقه هذا راح تصير عندك خبره كافيه جدا لتربيه اي نوع من الببغاءات ..
ويا جوجو جزئ كبير من عناد الببغائات دليل على ذكائها عشان كذا هي تربى في البيوت من بد كثير من الطيور لقدرتها على تحليل الأحداث بشكل مختلف عن جميع الحيوانات ...
وما دام طيرك تصفيره جيد وعنده قدره على التقليد أظمن لك بإذن الله انه راح يستقبل منك الكلمات الي انتي تبينها وراح تذكرين كلامي مع الوقت ..
وذا عندك اي استفسار اختي الكريمه تفضلي فأنيت على الرحب والسعه في بيتك الثاني تو زو
فواز ,,